མཛད་པ་པོ། པྲ་སྟི་རིན་ཆེན་དོན་འགྲུབ།
བརྗོད་བྱ། སུམ་ཅུ་པ།
འཁྲིད་མཁན། རོང་པོ་དགེ་བཤེས་བློ་བཟང་སྙན་གྲགས།
རིག་མཛོད་སྒྲ་སྤྱིའི་ཨང་། SJRA-0735
སྒྲའི་རྣམ་པ། MP3 གྲངས་ཀ 78 ལྗིད་ཚད། 687.3MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༢ ཟླ་ ༨ ཚེས་ ༢༩ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་རོང་བོ་བློ་བཟང་སྙན་གྲགས་མཆོག་ནི། མདོ་སྨད་གཅན་ཚ་རྫོང་ལོ་ཁོག་གྲོང་སྡེར་ཕ་འབྲུག་རྒྱལ་དང། མ་ཆོས་མོ་སྐྱིད་གཉིས་ཀྱི་སྲས་སུ་ ༡༩༧༠ ལོར་སྐུ་འཁྲུངས། གཞི་རིམ་དང་སློབ་འབྲིང་ཕེབས་ནས་བོད་རྒྱ་ཡིག་རིགས་སོགས་ལ་སྦྱངས། རང་ལོ་བཅུ་དྲུག་པར་རེབ་གོང་རོང་བོ་དགོན་ཆེན་དུ་རྗེ་དགེ་འདུན་ཆོས་འཕེལ་གྱི་དྲུང་ལས་རབ་ཏུ་བྱུང་སྟེ། གཞུང་ཆེན་ཁག་ལ་ལ་སློབ་གཉེར་གནང་། དགུང་གྲངས་བཅུ་དགུ་པར་ྋསྐྱབས་རྗེ་རྫོང་ཆུང་མཁས་བཙུན་ལུང་རིགས་རྒྱ་མཚོ་ལས་བསྙེན་རྫོགས་ཀྱི་སྡོམ་པ་ཞུས། ༡༩༩༧ ལོར་རེབ་གོང་རོང་བོ་དཔལ་གྱི་དགོན་ཆེན་དུ་སྨོན་ལམ་ཆེན་མོར་གཞུང་ཆེན་ལ་རབ་འབྱམས་པའི་དམ་བཅའ་བཞག་སྟེ། ༢༠༠༠ ལོར་རྒྱ་གར་དུ་ཕེབས་ཏེ། འཕགས་མཆོག་ཕྱག་ན་པདྨོའི་གཟིམ་ཆུང་མཇལ་ཁའི་སྐལ་བཟང་མངོན་དུ་གྱུར་བའི་བཀའ་འབྲེལ་ལྟར། ྋགོང་ས་མཆོག་གི་བཀའ་འབུམ་སྡུད་སྒྲིག་གནང་། ༢༠༠༡ ལོར་ྋགོང་ས་ྋརྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་གིས་སྐབས་བཅུ་གསུམ་པའི་སྤྱི་འཐུས་སུ་ཐད་ཀར་བསྐོ་བཞག་གནང་བ་མ་ཟད། བྱམས་བརྩེའི་གཟིགས་པ་ཆེེན་པོས་བཀའ་མངགས་ལུང་བསྟན་བཞིན། རྒྱ་གར་ལྷོ་ཕྱོགས་སེར་བྱེས་བྱ་བྲལ་ཁམས་ཚན་དུ་སྒྲིག་ཞུགས་ཀྱིས་འཛིན་གྲྭ་དབུ་མར་ཐད་ཞུགས་ཀྱིས་སློབ་གཉེར་བྱས་མཐར་དགེ་ལུགས་རྒྱུགས་སྤྲོད་དུ་ཕེབས་ཏེ། ༢༠༡༡ ལོར་དགེ་བཤེས་ལྷ་རམས་པའི་དམ་འཇོག་གནང་། ༢༠༡༣ ལོར་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་རིང་གི་ཆོས་ཐོག་ཚུལ་བཞིན་འགྲིམ་པ་དང་། ༢༠༡༡ ལོ་ནས་སྐབས་བཅོ་ལྔ་པའི་དགེ་ལུགས་སྤྱི་འཐུས་ཀྱི་མཛད་འཁུར་ལོ་ལྔ་ལ་གནང་། ྋགོང་ས་ྋསྐྱབས་མགོན་ཆེན་པོ་མཆོག་དགུང་གྲངས་༨༠ ལ་ཕེབས་པར་དགེ་ལུགས་ཡོངས་ཀྱི་ྋརྒྱལ་བའི་བཀའ་དྲིན་རྗེས་དྲན་ལོ་གཅིག་འཁོར་མོར་ཞུ་སྐབས་བཀའ་དྲིན་རྗེས་དྲན་གྱི་རྒྱུན་ལས་ཚོགས་གཙོའི་ཐུགས་འགན་བཞེས་པ་སོགས་བོད་ཕྱི་ནང་གཉིས་སུ་མཛད་འཕྲིན་རྒྱ་ཆེར་སྐྱོང་བཞིན་པ་བཅས་ཡིན།
ཁོང་གི་བརྩམས་ཆོས། བྱམས་བརྩེ་དང་དྲང་བདེན་གྱི་བླ་སྲོག གདུང་སེལ་གསེར་གྱི་མཆོད་སྡོང་། དད་པའི་མཛེས་རྒྱན། དག་གཙང་དངུལ་གྱི་མཆོད་སྡོང་། དྲང་ངེས་བཤད་ཁྲིད་ཟིན་བྲིས་བློ་བཟང་རྒྱལ་བའི་དགོངས་རྒྱན་ལུང་རིགས་གསེར་གྱི་ཐང་མ། རྨ་འགྲམ་རྡོ་རྗེ་བྲག་གི་ལོ་རྒྱུས་ཟ་འོག་གོས་ཀྱི་རི་མོ། གཉན་ཐོག་བྱམས་པ་གླིང་གི་ལོ་རྒྱུས་མི་ཕམ་དགྱེས་པའི་རོལ་མོ། སེར་བྱེས་ངོ་སྤྲོད་གཏེར་གྱི་ཁ་བྱང་། གསེར་གྱི་ཕ་བོང། གསེར་ནག་གི་ཕྲེང་བ། གསེར་གྱི་ཐང་མ། གསེར་གྱི་མཆོད་སྡོང་། རིགས་ལམ་དང་ནང་ཆོས་ཀྱི་སློབ་དེབ་སོགས་ཁག་བཞི་བཅས་བཞུགས།

མཛད་པ་པོ། རྗེ་བློ་བཟང་གྲགས་པ། [༡༣༥༧-༡༤༡༩]
བརྗོད་བྱ། རིམ་གཉིས་ཀྱི་སྐོར།
འཁྲིད་མཁན། དགེ་བཤེས་བློ་བཟང་ཆོས་འཕེལ།
རིག་མཛོད་སྒྲ་སྤྱིའི་ཨང་། SJRA-0733
སྒྲའི་རྣམ་པ། MP3 གྲངས་ཀ 50 ལྗིད་ཚད། 1.49GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༢ ཟླ་ ༨ ཚེས་ ༢༧ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་བློ་བཟང་ཆོས་འཕེལ་ནི། ༡༩༦༣ ལོར་ལྷོ་ཁ་ཁུལ་དུ་སྐུ་འཁྲུངས། ཆུང་དུས་དམངས་བཙུགས་སློབ་གྲྭ་འགྲིམས་ཏེ་བོད་ཡིག་འབྲི་ཀློག་སོགས་ལ་སྦྱངས། ༡༩༨༢ ལོར་དགའ་ལྡན་དུ་ཆོས་སྒོར་ཞུགས། ༨༣ ལོར་འཕགས་ཡུལ་དུ་ཕེབས་ཏེ། སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། ༨༥ ལོར་༧ གོང་ས་མཆོག་ལས་བསྙེན་རྫོགས་ཀྱི་སྡོམ་པ་མནོས། སློབ་གཉེར་གྱི་སྐབས་ཏེ་ཆོས་ར་འགྲིམ་བཞིན་པའི་སྐབས་ནས་སློབ་གཉེར་པ་རྣམས་ལ་ཉིན་རེར་འཛིན་གྲྭ་ལྔ་དྲུག་རེར་དཔེ་ཁྲིད་ཆད་མེད་གནང་། ༢༠༠༡ ལོར་དགེ་བཤེས་ལྷ་རམས་པའི་དམ་འཇོག་དང་། ལྷ་རམས་ཨང་དང་པོའི་མཚན་རྟགས་བཞེས། དགེ་བཤེས་ཐོན་པ་དང་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། རྒྱུན་དུ་སློབ་གཉེར་པ་བརྒྱ་ཕྲག་མང་པོར་དཔེ་ཁྲིད་དང་། ༢༠༠༥ ལོར་ཨ་ཏི་ཤ་ཆོས་ཚོགས་ནས་གདན་ཞུས་ལྟར་ཐེ་ཝན་དུ་ཕེབས་ཏེ། ཤཱཀྱའི་འོད་སྣང་སློབ་གྲྭའི་དགེ་རྒན་སོགས་གནང་བཞིན། ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་བཞུགས་པ་འདི་ག་ལགས་སོ། །

མཛད་པ་པོ། ཀུན་མཁྱེན་མཚོ་སྣ་བ་ཤེས་རབ་བཟང་པོ།
བརྗོད་བྱ། སོ་ཐར་སྡོམ་པའི་སྐོར།
འཁྲིད་མཁན། དགེ་བཤེས་ཡ་མ་དར་རྒྱས།
རིག་མཛོད་སྒྲ་སྤྱིའི་ཨང་། SJRA-0732
སྒྲའི་རྣམ་པ། MP3 གྲངས་ཀ 50 ལྗིད་ཚད། 2.GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༢ ཟླ་ ༨ ཚེས་ ༢༧ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ཡ་མ་དར་རྒྱས་མཆོག་ནི། མདོ་ཁམས་བཀྲ་ཤིས་དར་རྒྱས་དགོན་གྱི་ཉེ་འདབས་སུ་ཕྱི་ལོ་༡༩༧༢ལོར་ཡབ་བྱམས་ཅན་དང་ཡུམ་ཚུལ་ཁྲིམས་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། དགུང་ལོ་བརྒྱད་ཀྱི་ཐོག་རྒན་རྡོ་རྗེ་བསམ་འགྲུབ་ཀྱི་དྲུང་ནས་ཡི་གེ་སྦྱོར་ཀློག་འགོ་བཙུགས། དེ་ནས་དར་དགོན་མཁན་ཟུར་རིན་པོ་ཆེ་ཀརྨ་དོན་འགྲུབ་མཆོག་གི་དྲུང་ནས་ཡི་གེ་འབྲི་བ་དང་དཔེ་འཛིན་སྐྱོར་སྦྱང་སོགས་བྱས་ཤིང་མཚན་ཉིད་གཞུང་ལའང་སློབ་སྦྱོང་ཅུང་ཟད་བྱས། ༡༩༨༨ལོར་བཀྲ་ཤིས་དར་རྒྱས་དགོན་དུ་ཞུགས་ནས་དགོན་དེར་རིགས་ཆུང་ཚོགས་ལངས་ཀྱང་མཛད། ༡༩༩༠ལོར་རྒྱ་གར་དུ་ཕེབས་ནས་སེར་བྱེས་མཁས་སྙན་གྲྭ་ཚང་གི་ཆོས་སྒོར་ཞུགས། ༡༩༩༡ལོར་རྒྱུད་སྨད་མཁན་ཟུར་ཨོ་རྒྱན་ཚེ་བརྟན་མཆོག་གི་ཞལ་སྔ་ནས་ཚིགས་སྔ་མ་དགེ་ཚུལ་གྱི་སྡོམ་པ་མནོས། རྗེ་བཙུན་དམ་པ་འཕྲིན་ལས་རྡོ་རྗེ་མཆོག་དང་། མཁན་ཟུར་རིན་པོ་ཆེ་རྗེ་བཙུན་བློ་བཟང་དཔལ་ལྡན་མཆོག་དང་། མཁན་ཟུར་རིན་པོ་ཆེ་རྗེ་བཙུན་བློ་བཟང་ཚེ་རིང་སོགས་དཔལ་ལྡན་བླ་མ་དམ་པ་རྣམས་ཀྱི་ཞབས་ལ་གཏུགས་ཏེ་གཞུང་ཆེན་བཀའ་པོད་རྣམས་ལ་སྦྱང་བརྩོན་ལྷོད་མེད་མཛད། ༡༩༩༢ལོར་ཏྲེ་ཧོར་ཁང་ཚན་དུ་རྟགས་རིགས་ཚོགས་བསགས་དམ་འཇོག་དང་། སླར་ཡང་༢༠༠༢ལོར་དབུ་མའི་ཚོགས་བསགས་དམ་འཇོག་གནང་། ༡༩༩༥སེར་བྱེས་མཁས་སྙན་གྲྭ་ཚང་དུ་རིགས་ཆུང་རིགས་སྔ་རྒོལ་གྱི་ཚོགས་ལངས་མཛད། ལོ་དེར་དཔལ་ལྡན་འབྲས་སྤུངས་སུ་འཇང་དགུན་ཆོས་ལ་འབྲས་རྟགས་ཀྱི་ཐོར་ཆོས་དམ་འཇོག་གནང་། ༡༩༩༦ལོར་༧གོང་ས་༧སྐྱབས་མགོན་ཆེན་པོའི་ཞལ་སྔ་ནས་ཚིགས་ཕྱི་མ་བསྙེན་རྫོགས་ཀྱི་སྡོམ་པ་མནོས། ༢༠༠༡ལོར་སེར་བྱེས་ཏྲེ་ཧོར་ཁང་ཚན་དུ་ ༧གོང་ས་མཆོག་གི་སྤྱན་སྔར་དབུ་མའི་དམ་འཇོག་གནང་། ལོ་དེར་སེར་བྱེས་མཁས་གྲྭ་ཚང་དུ་དབུ་མའི་སྤྱི་དོན་དང་དགོངས་པ་རབ་གསལ་ཆ་ཚང་བའི་ཚོགས་བསགས་དང་དམ་འཇོག་བྱས། ༢༠༡༠ལོར་སེར་བྱེས་གྲྭ་ཚང་དུ་༧གོང་ས་༧སྐྱབས་མགོན་རིན་པོ་ཆེ་མཆོག་གི་སྤྱན་སྔར་རྣམ་འགྲེལ་དམ་འཇོག་གི་གོ་སྐབས་ཐོབ། ལོ་དེར་སེ་ར་བླ་སྤྱིར་འདུལ་བའི་གཞུང་ལ་རིགས་ཆེན་ཚོགས་ལངས་མཛད། ༢༠༠༥ནས་དགེ་ལུགས་རྒྱུགས་སྤྲོད་ཕེབས་ཏེ་སློབ་མཐར་རྩེར་སོན་གྱིས་ལོ་ཐ་མ་བཞི་ལ་ཨང་རིམ་གཉིས་པར་ཐོབ། ༢༠༡༠ལོར་སེར་བྱེས་མཁས་སྙན་གྲྭ་ཚང་དུ་དགེ་བཤེས་ལྷ་རམས་དམ་འཇོག་མཛད། ༢༠༡༡ལོར་གནས་མཆོག་ཝཱར་ཎར་གདན་ས་གསུམ་གྱི་ལྷ་ལྡན་སྨོན་ལམ་ཆེན་མོར་དགེ་བཤེས་ལྷ་རམས་པའི་གྲྭ་སྐོར་དམ་འཇོག་གནང་། དེ་ནས་དཔལ་ལྡན་སྨད་རྒྱུད་གྲྭ་ཚང་དུ་སྔགས་ཀྱི་གསན་བསམ་མཛད་པས་སྔགས་ཀྱི་རྩོད་རྒྱུགས་ཨང་རིམ་གཉིས་པར་ཐོབ། ༢༠༡༣ནས་སེར་བྱེས་མཁས་སྙན་གྲྭ་ཚང་མཆོག་གི་སློབ་གཉེར་རྒན་གྱི་འགན་བཞེས་ལོ་གསུམ་རིང་མཛད། མདོར་ན་ཁོང་གིས་༡༩༩༧ ནས་ད་ལྟའི་བར་དུ་གཞན་གང་དུ་ཡང་མ་ཕེབས་པར་གྲྭ་ཚང་འདིར་བཞུགས་ཏེ་དཔེ་འཁྲིད་རྒན་གྱི་ཐུགས་འགན་བཞེས་དང་བཞེས་མུས་ཡིན་པ་བཅས་ལོ་རྒྱུས་མདོར་བསྡུས་སུ།
ཕྱི་ལོ་༢༠༢༢ཟླ་༩ཚེས་༡༨ལ། སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་སྒྲིག་བྱས།

བརྗོད་བྱ། དམ་པའི་ཆོས་འདུལ་བའི་སྐོར།
འཁྲིད་མཁན། བློ་གླིང་མཁན་ཟུར་རྗེ་བཙུན་བློ་བཟང་ཉི་མ།
རིག་མཛོད་སྒྲ་སྤྱིའི་ཨང་། SJRA-0750
སྒྲའི་རྣམ་པ། MP3 གྲངས་ཀ 87 ལྗིད་ཚད། 2.05GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༣ ཟླ་ ༧ ཚེས་ ༡༩ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
འབྲས་བློ་གླིང་མཁན་ཟུར་རྗེ་བཙུན་བློ་བཟང་ཉི་མ་མཆོག་ནི། ཕྱི་ལོ་༡༩༢༤ལོར་མདོ་ཁམས་དཀར་མཛེས་ཏྲེ་ཤོད་དུ་ཡབ་བསོད་ནམས་རྒྱ་མཚོ་དང༌། ཡུམ་སྐལ་བཟང་ལྷ་མོ་གཉིས་ཀྱི་སྲས་སུ་སྐུ་འཁྲུངས། དགུང་ལོ་བདུན་པར་དཀར་མཛེས་བཤད་སྒྲུབ་ནོར་བུའི་གླིང་དུ་ཞུགས། འཁྲུངས་གསར་སྐུ་ཕྲེང་གསུམ་པ་བློ་བཟང་དཔལ་ལྡན་ངག་གི་དབང་ཕྱུག་ལས་དགེ་ཚུལ་གྱི་བསླབ་སྡོམ་ཞུས།
དགུང་ལོ་བཅོ་བརྒྱད་པར་མཁས་མང་བློ་གསལ་གླིང་དུ་ཆོས་ཞུགས་ནས་གཞུང་ཆེན་ཁག་ལ་སློབ་གཉེར་གནང་། དགུང་ལོ་ཉེར་གཅིག་པར་སེར་བྱེས་གཙང་པ་ཁྲི་ཟུར་ལྷུན་འགྲུབ་བརྩོན་འགྲུས་དྲུང་ནས་བསྙེན་རྫོགས་ཀྱི་སྡོམ་པ་ཞུས། དུས་འགྱུར་བྱུང་རྗེས་སྦག་སར་སློབ་གཉེར་འཕྲོ་མཐུད་ནས་དགུང་ལོ་ཞེ་ལྔ་པར་སྦག་ས་མཁས་མང་འདུས་པའི་དབུས་སུ་ལྷ་རམས་པའི་མཚན་གནས་བཞེས། མ་སུ་རིར་གཙུག་ལག་སློབ་གྲྭའི་དགེ་འོས་ཟབ་སྦྱོང་གནང་ནས་སྦག་སར་ཆོས་རིག་འཛིན་སྐྱོང་སློབ་གྲྭར་དབུ་མའི་ཟབ་ཁྲིད་གནང་། དེ་ནས་ཝཱ་ར་ཎ་སཱིར་ཕེབས་ཏེ་ལོ་གསུམ་རིང་ཆེས་མཐོའི་སློབ་གཉེར་ཁང་དུ་ཟབ་སྦྱོང་གནང་ནས་ཨཱ་ཙཱརྱའི་མཚན་གནས་བཞེས།
ཕྱི་ལོ་༡༩༧༨ལོར་༸གོང་ས་སྐྱབས་མགོན་ཆེན་པོས་ཕྱག་རྟགས་ཕེབས་དོན་བཞིན་ལོ་བདུན་རིང་ལ་མཁས་མང་བློ་གསལ་གླིང་གི་མཁན་ཁྲི་བསྐྱངས། ཕྱི་ལོ་༡༩༩༣ལོར་༸གོང་ས་བཅུ་བཞི་པ་ཆེན་པོས་ཕྱག་རྟགས་གནང་དོན་བཞིན་རྭ་སྟོད་གྲྭ་ཚང་གི་མཁན་པོའི་མཛད་ཁུར་བསྐྱངས། རང་ཤག་ཏུ་བསྡུས་གྲྭ་ནས་འདུལ་མཛོད་བར་ཉིན་རེར་དཔེ་ཁྲིད་ཐེངས་ལྔ་དྲུག་ཙམ་རྒྱུན་དུ་ཆག་མེད་གནང༌། དགེ་བཤེས་རྒན་གྲས་རྣམས་ལ་སྔགས་རིམ་ཆེན་མོ་སོགས་དཔེ་ཁྲིད་རྒྱུན་བསྐྱངས་ནས་གདན་སར་བཞུགས།
གསུང་གི་ལེགས་བཤད་ཀྱང་། མཁས་པའི་དབང་ཕྱུག་ཤག་སྐོར་མཁན་རིན་པོ་ཆེ་ལ་ཕུལ་བའི་གཞུང་ཆེན་ཁག་གི་དཀའ་གནད་དྭོགས་སློང་གི་དྲི་བ། ཕར་ཕྱིན་དང་དབུ་མ། དྲང་ངེས་སེམས་ཙམ་པའི་སྐོར། གཞི་གསུམ་གྱི་རྣམ་གཞག་ཐུབ་དབང་ཞལ་ལུང་། དབུ་མ་དགོངས་པ་རབ་གསལ་བདག་འགོག འདུལ་སྡོམ་མཚོ་ཊིཀ རིན་ཊིཀ མདོ་རྩ། མདོ་རྒྱ་ཆེར་འགྲེལ་བཅས་སྦྲགས་ནས་གསུངས་པ་ཆ་ཚང་། པཎ་ཆེན་རིན་པོ་ཆེའི་མཛོད་ཤེས་བྱ་རབ་གསལ། མཆིམས་མཛོད། མཛོད་ཊིཀ་ཐར་ལམ་གསལ་བྱེད། གསང་སྔགས་བཅས་ཀྱི་དཔེ་ཁྲིད་སྒྲ་ཐག་སོགས་ཡོད་ཅིང༌།
གསུང་ལས་སྐྱེས་པའི་སློབ་མ་ཡང༌། ཤར་པ་ཆོས་རྗེ་ཚུལ་ཁང་བློ་བཟང་རྡོ་རྗེ། རྒྱུད་སྨད་མཁན་ཟུར་མཐུ་སྟོབས་མགོན་པོ་སོགས་སྦག་སའི་གནས་བརྟན་བགྲེས་པ་ཕལ་ཆེར་བ་རྣམས་དང་ད་ལྟའི་དགེ་བཤེས་རྒན་གྲས་ཕལ་ཆེ་བ་རྗེ་འདིའི་སློབ་མར་མ་གྱུར་པ་མེད་པ་དང་འདྲའོ། །
མཐར་ཕྱི་ལོ་ ༢༠༠༦ ཟླ ༨ ཚེས་ ༢༥ ཉིན་དགོངས་པ་གཞན་དོན་དུ་གཤེགས་ནས་ཉིན་ཞག་བཅུ་གཅིག་བར་ཐུགས་དམ་ལ་བཞུགས།

བརྗོད་བྱ། དམ་པའི་ཆོས་འདུལ་བའི་སྐོར།
འཁྲིད་མཁན། བློ་གླིང་མཁན་ཟུར་རྗེ་བཙུན་བློ་བཟང་ཉི་མ།
རིག་མཛོད་སྒྲ་སྤྱིའི་ཨང་། SJRA-0750
སྒྲའི་རྣམ་པ། MP3 གྲངས་ཀ 72 ལྗིད་ཚད། 1.65GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༣ ཟླ་ ༧ ཚེས་ ༡༩ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
འབྲས་བློ་གླིང་མཁན་ཟུར་རྗེ་བཙུན་བློ་བཟང་ཉི་མ་མཆོག་ནི། ཕྱི་ལོ་༡༩༢༤ལོར་མདོ་ཁམས་དཀར་མཛེས་ཏྲེ་ཤོད་དུ་ཡབ་བསོད་ནམས་རྒྱ་མཚོ་དང༌། ཡུམ་སྐལ་བཟང་ལྷ་མོ་གཉིས་ཀྱི་སྲས་སུ་སྐུ་འཁྲུངས། དགུང་ལོ་བདུན་པར་དཀར་མཛེས་བཤད་སྒྲུབ་ནོར་བུའི་གླིང་དུ་ཞུགས། འཁྲུངས་གསར་སྐུ་ཕྲེང་གསུམ་པ་བློ་བཟང་དཔལ་ལྡན་ངག་གི་དབང་ཕྱུག་ལས་དགེ་ཚུལ་གྱི་བསླབ་སྡོམ་ཞུས།
དགུང་ལོ་བཅོ་བརྒྱད་པར་མཁས་མང་བློ་གསལ་གླིང་དུ་ཆོས་ཞུགས་ནས་གཞུང་ཆེན་ཁག་ལ་སློབ་གཉེར་གནང་། དགུང་ལོ་ཉེར་གཅིག་པར་སེར་བྱེས་གཙང་པ་ཁྲི་ཟུར་ལྷུན་འགྲུབ་བརྩོན་འགྲུས་དྲུང་ནས་བསྙེན་རྫོགས་ཀྱི་སྡོམ་པ་ཞུས། དུས་འགྱུར་བྱུང་རྗེས་སྦག་སར་སློབ་གཉེར་འཕྲོ་མཐུད་ནས་དགུང་ལོ་ཞེ་ལྔ་པར་སྦག་ས་མཁས་མང་འདུས་པའི་དབུས་སུ་ལྷ་རམས་པའི་མཚན་གནས་བཞེས། མ་སུ་རིར་གཙུག་ལག་སློབ་གྲྭའི་དགེ་འོས་ཟབ་སྦྱོང་གནང་ནས་སྦག་སར་ཆོས་རིག་འཛིན་སྐྱོང་སློབ་གྲྭར་དབུ་མའི་ཟབ་ཁྲིད་གནང་། དེ་ནས་ཝཱ་ར་ཎ་སཱིར་ཕེབས་ཏེ་ལོ་གསུམ་རིང་ཆེས་མཐོའི་སློབ་གཉེར་ཁང་དུ་ཟབ་སྦྱོང་གནང་ནས་ཨཱ་ཙཱརྱའི་མཚན་གནས་བཞེས།
ཕྱི་ལོ་༡༩༧༨ལོར་༸གོང་ས་སྐྱབས་མགོན་ཆེན་པོས་ཕྱག་རྟགས་ཕེབས་དོན་བཞིན་ལོ་བདུན་རིང་ལ་མཁས་མང་བློ་གསལ་གླིང་གི་མཁན་ཁྲི་བསྐྱངས། ཕྱི་ལོ་༡༩༩༣ལོར་༸གོང་ས་བཅུ་བཞི་པ་ཆེན་པོས་ཕྱག་རྟགས་གནང་དོན་བཞིན་རྭ་སྟོད་གྲྭ་ཚང་གི་མཁན་པོའི་མཛད་ཁུར་བསྐྱངས། རང་ཤག་ཏུ་བསྡུས་གྲྭ་ནས་འདུལ་མཛོད་བར་ཉིན་རེར་དཔེ་ཁྲིད་ཐེངས་ལྔ་དྲུག་ཙམ་རྒྱུན་དུ་ཆག་མེད་གནང༌། དགེ་བཤེས་རྒན་གྲས་རྣམས་ལ་སྔགས་རིམ་ཆེན་མོ་སོགས་དཔེ་ཁྲིད་རྒྱུན་བསྐྱངས་ནས་གདན་སར་བཞུགས།
གསུང་གི་ལེགས་བཤད་ཀྱང་། མཁས་པའི་དབང་ཕྱུག་ཤག་སྐོར་མཁན་རིན་པོ་ཆེ་ལ་ཕུལ་བའི་གཞུང་ཆེན་ཁག་གི་དཀའ་གནད་དྭོགས་སློང་གི་དྲི་བ། ཕར་ཕྱིན་དང་དབུ་མ། དྲང་ངེས་སེམས་ཙམ་པའི་སྐོར། གཞི་གསུམ་གྱི་རྣམ་གཞག་ཐུབ་དབང་ཞལ་ལུང་། དབུ་མ་དགོངས་པ་རབ་གསལ་བདག་འགོག འདུལ་སྡོམ་མཚོ་ཊིཀ རིན་ཊིཀ མདོ་རྩ། མདོ་རྒྱ་ཆེར་འགྲེལ་བཅས་སྦྲགས་ནས་གསུངས་པ་ཆ་ཚང་། པཎ་ཆེན་རིན་པོ་ཆེའི་མཛོད་ཤེས་བྱ་རབ་གསལ། མཆིམས་མཛོད། མཛོད་ཊིཀ་ཐར་ལམ་གསལ་བྱེད། གསང་སྔགས་བཅས་ཀྱི་དཔེ་ཁྲིད་སྒྲ་ཐག་སོགས་ཡོད་ཅིང༌།
གསུང་ལས་སྐྱེས་པའི་སློབ་མ་ཡང༌། ཤར་པ་ཆོས་རྗེ་ཚུལ་ཁང་བློ་བཟང་རྡོ་རྗེ། རྒྱུད་སྨད་མཁན་ཟུར་མཐུ་སྟོབས་མགོན་པོ་སོགས་སྦག་སའི་གནས་བརྟན་བགྲེས་པ་ཕལ་ཆེར་བ་རྣམས་དང་ད་ལྟའི་དགེ་བཤེས་རྒན་གྲས་ཕལ་ཆེ་བ་རྗེ་འདིའི་སློབ་མར་མ་གྱུར་པ་མེད་པ་དང་འདྲའོ། །
མཐར་ཕྱི་ལོ་ ༢༠༠༦ ཟླ ༨ ཚེས་ ༢༥ ཉིན་དགོངས་པ་གཞན་དོན་དུ་གཤེགས་ནས་ཉིན་ཞག་བཅུ་གཅིག་བར་ཐུགས་དམ་ལ་བཞུགས།