ཐོག་མའི་བཟོ་དུས། Wed 03 Apr 2019 | 17:25

ཁྲིད་གཞུང་། དབུ་མ་ལ་འཇུག་པ། [ཁ]

དྲ་འཇུག་པ།
ཚད་གཞི།
(2 འོས་འཕེན།)

སྒྲ་ཨང་།  KADZU2050426
མཁས་པ་གཞན། [གཞུང་ཆེན།] སྤྱིའི་ཨང་། ༥༥༤
རྣམ་པ། MP3 རྣམ་གྲངས། 69 ཆེ་ཆུང་། 1.72 GB
ཁྲིད་གཞུང་།
དབུ་མ་ལ་འཇུག་པ།
མཛད་པ་པོ། དཔལ་ལྡན་ཟླ་བ་གྲགས་པ།
བརྗོད་བྱ། ཟབ་མོ་སྟོང་པ་ཉིད།
འཁྲིད་མཁན།
མཁན་པོ་རྣམ་གྲོལ་མཆོག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་ ༡༡།༡༢ ལ་གསར་དུ་སྒྲིག་སྦྱོར་བྱས།
༢༠༡༩ ལོའི་ཟླ་བརྒྱད་པའི་ཚེས་གསུམ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
མཁན་པོ་རྣམ་གྲོལ་མཆོག་ནི། ཕྱི་ལོ་ ༡༩༥༣ ལོར་སྡེ་དགེར་སྐུ་འཁྲུངས། དགུང་གྲངས་བདུན་པ་ ༡༩༥༩ ལོར་འཕགས་ཡུལ་དུ་ཕེབས་ཏེ་ལྷོ་ཕྱོགས་སྦེལ་ཀོབ་ས་གནས་སུ་བཞུགས། ༡༩༦༨ ལོར་ཟླ་དྲུག་རིང་སྔོན་འགྲོ་འབུམ་ལྔ་བསགས་སྦྱང་གནང་། སྨྱོ་ཤུལ་མཁན་རིན་པོ་ཆེ་དང་། མཁན་པོ་བརྩོན་འགྲུས་སོགས་ལས་སྟོང་ཐུན་སེངྒེའི་ང་རོ། རྩ་ཤེའི་མཆན་འགྲེལ། རིགས་ཚོགས་གཞན་རྣམས་དང་། ཤེར་ཕྱིན་དང་། དབུ་མ་སོགས་མདོ་ཕྱོགས་དང་། རང་གྲོལ་སྐོར་གསུམ། གསང་སྙིང་སྤྱི་དོན་མཛོད་ཀྱི་ལྡེ་མིག་སོགས་གསན། དགུང་གྲངས་ཉེར་ལྔ་པ་ ༡༩༧༧ ལོར་༧སྐྱབས་རྗེ་པད་ནོར་རིན་པོ་ཆེའི་བཀའ་དགོངས་ལྟར་མཁན་པོ་བརྩོན་འགྲུས་དང་ལྷན་རྣམ་གྲོལ་གླིང་དགོན་པར་ཕེབས། ༡༩༧༨ ལོར་མཐོ་སློབ་དབུ་བརྙེས་ནས་བཟུང་བཤད་གྲྭའི་སྒྲིག་གཞི་གཟིགས་རྟོག་དང་དཔེ་ཁྲིད་སོགས་ཀྱིས་འཛིན་སྐྱོང་གནང་། ༡༩༨༣ ལོར་༧སྐྱབས་རྗེ་པད་ནོར་རིན་པོ་ཆེས་མཁན་པོའི་མཚན་གནས་སྩལ། ༡༩༨༨ ལོར་༧མཁན་ཆེན་འཇིགས་མེད་ཕུན་ཚོགས་ལས་མདོ་སྔགས་སྤྱི་དང་། ཁྱད་པར་གསང་སྙིང་སྤྱི་དོན་འོད་གསལ་སྙིང་པོ་སོགས་དང་། ༡༩༩༢ ལོར་ཚིག་དོན་རིན་པོ་ཆེའི་མཛོད་སོགས་གསན། དེ་རྗེས་བཤད་གྲྭར་དབུ་མ་འཇུག་པ། སྤྱི་དོན་མཛོད་ཀྱི་ལྡེ་མིག་སོགས་རྒྱ་བོད་ཀྱི་གཞུང་ཆེན་རྣམས་ཀྱི་བཤད་ཁྲིད་གནང་། ༡༩༩༨ ལོར་༧སྐྱབས་རྗེ་པད་ནོར་རིན་པོ་ཆེའི་བཀའ་དགོངས་བཞིན་བལ་ཡུལ་ཡང་ལེ་ཤོད་དུ་སྒྲུབ་ཁང་བསམ་གཏན་འོད་གསལ་གླིང་རྟེན་བརྟེན་པ་བཅས་གསར་འཛུགས་ཀྱིས་དབང་ཁྲིད་སོགས་གནང་དང་གནང་སུ་བཞུགས་པ་ལགས་སོ། །

ཤོག་ངོས་འདི་ཐེངས་ 355 བཀླགས་འདུག མཐའ་མའི་བསྐྱར་བཅོས། Sat 03 Aug 2019 | 16:14
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག།  iPad,iPhone & iPod Touch སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com