དྲ་ཐོག་འཇུག་དུས། 2023 ལོའི་ཟླ་བ། Nov ཚེས། 19 རེས་གཟའ། Sun

ཁྲིད་གཞུང་། མཆིམས་མཛོད། [ཁ]

དྲ་འཇུག་པ།
ཚད་གཞི།
(1 འོས་འཕེན། )

མཛད་པ་པོ། མཆིམས་འཇམ་པའི་དབྱངས།
བརྗོད་བྱ། ཆོས་མངོན་པའི་སྐོར།
འཁྲིད་མཁན། དགེ་བཤེས་ལྷ་རམས་པ་ཡ་མ་རིན་ཆེན།
རིག་མཛོད་སྒྲ་སྤྱིའི་ཨང་། SJRA-0761
སྒྲའི་རྣམ་པ། MP3 གྲངས་ཀ 162 ལྗིད་ཚད། 6.4GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༣ ཟླ་ ༡༡ ཚེས་ ༡༩ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས། སེར་བྱེས་དགེ་བཤེས་ཡ་མ་རིན་ཆེན་ནི། སྤྱི་ལོ་ ༡༩༦༧ ལོར་བོད་ཏྲེ་ཧོར་དར་རྒྱས་ཀྱི་ཁོངས་སུ་སྐུ་འཁྲུངས། དགུང་ལོ་བདུན་ནས་བཅུ་དྲུག་བར་སློབ་ཆུང་སོགས་འགྲིམས་ཏེ་སློབ་སྦྱོང་གནང་། ༡༩༨༤ ལོར་འཕགས་ཡུལ་དུ་འབྱོར་ཞིང་། བྱེས་ཀྱི་གདན་ས་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་དང་། རྒྱུད་སྨད་མཁན་ཟུར་རིན་པོ་ཆེ་རྗེ་བཙུན་ཨུ་རྒྱན་ཚེ་བརྟན་སོགས་བསྟེན་ནས་གཞུང་ཆེན་ལ་སློབ་གཉེར་གནང་། འཛིན་གྲྭ་ཟུར་གསར་གྱི་སྐབས་རིགས་ཆུང་ཨང་རིམ་དང་པོའི་ཚོགས་ལངས་དང་། ༡༩༩༡ ལོ་སྟེ་སློབ་གཉེར་གྱི་སྐབས་སམ་ཆོས་ར་འགྲིམ་བཞིན་པའི་སྐབས་ནས་སློབ་གཉེར་བ་རྣམས་ལ་དཔེ་ཁྲིད་ཆད་མེད་གནང་། ༡༩༩༧ ལོ་ནས་དགེ་ལུགས་རྒྱུགས་སྤྲོད་དུ་ཕེབས་ནས་ལོ་རིམ་མཐའ་མ་གསུམ་ལ་འདུལ་བའི་རྩོམ་རྒྱུགས་དང་བཅས་ཨང་དང་པོའི་མཚན་རྟགས་བཞེས། ༢༠༠༣ ལོར་དགེ་བཤེས་ལྷ་རམས་པའི་དམ་འཇོག་གནང་བ་དང་། ༢༠༠༥ ལོར་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས་ཤིང་། སྔགས་ཀྱི་རྩོད་རྒྱུགས་ཨང་དང་པོ་བཞེས། ༢༠༠༩ ལོ་ནས་ལོ་གསུམ་གྱི་རིང་གྲྭ་ཚང་གི་སློབ་གཉེར་རྒན་གནང་ཞིང་། ༢༠༡༢ ལོར་རང་ཡུལ་དུ་ཕེབས་ཏེ་དགོན་གྲོང་རྣམས་སུ་ཆོས་སྦྱིན་དང་། ༢༠༡༣ ལོར་ཨོ་སུ་ཀྲི་ལི་ཡར་ TBI ཆོས་ཚོགས་སུ་ནང་ཆོས་སློབ་ཁྲིད་སོགས་གནང་། ༢༠༡༥ ལོར་གྲྭ་ཚང་གི་དགེ་བསྐོས་གནང་བ་དང་། རྒྱུན་དུ་ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་བཞུགས་པ་ལགས་སོ། །

ཁྲིད་མཚམས་ཀྱི་དཀར་ཆག  

1. མཛོད་གནས་དང་པོ། དུམ་བུ། ༠༠༡ ནས་ དུམ་བུ། ༠༢༤ བར།
2. མཛོད་གནས་གཉིས་པ།  དུམ་བུ། ༠༢༥ ནས་ དུམ་བུ། ༠༦༤ བར།
3. མཛོད་གནས་གསུམ་པ།  དུམ་བུ། ༠༦༥ ནས་ དུམ་བུ། ༡༠༩བར།
4.
མཛོད་གནས་བཞི་པ། དུམ་བུ། ༡༡༠ ནས་ དུམ་བུ། ༡༦༢ བར།

ཤོག་ངོས་འདི་ལ་ཐེངས་ 356 གཟིགས་འདུག མཐའ་མའི་བསྐྱར་བཅོས། 2024 ལོའི་ཟླ་བ། Apr ཚེས། 17 རེས་གཟའ། Wed
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས། 

དྲ་ཚིགས།: www.serajeyrigzodchenmo.org  ཡིག་འབྲེལ་དྲ་བྱང་། serajeyrigzodchenmo@gmail.com

༸གོང་ས་མཆོག་གི་སྒྲ་མཛོད།