སེར་བྱེས་མཁན་རབས་རེ་ལྔ་པ་མཁན་ལྷུན་འགྲུབ་ཐབས་མཁས་མཆོག [རྣམ་ཐར་མ་རྙེད། ]
༢༠༡༥.༠༨.༠༦ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།
སེར་བྱེས་མཁན་རབས་རེ་གཉིས་པ་ངག་དབང་རྒྱ་མཚོ་མཆོག་ནི། ཕྱི་ལོ་༡༨༩༨ཙམ་ལ་བོད་དར་རྒྱས་དགོན་དང་ཉེ་བར་སྐུ་འཁྲུངས། མཚན་ངག་དབང་རྒྱ་མཚོར་གསོལ། སྐུ་ན་ཆུང་དུས་ནས་དར་རྒྱས་དགོན་པར་ཞུགས་ཏེ་ཡི་གེ་སྦྱོར་ཀློག་སོགས་དང་ཆོས་སྤྱོད་ཁག་བློ་འཛིན་གནང་།
དེ་ནས་རིང་མིན་དབུས་སུ་ཕེབས་ཏེ་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་གནང་སྟེ་དགེ་བཤེས་བྱམས་པ་མཁས་གྲུབ་སོགས་བསྟེན་ནས་གཞུང་ཆེན་ཁག་ལ་གསན་གསམ་སློབ་གཉེར་གནང་ཞིང་། འཛིན་གྲྭ་བཅུ་གསུམ་རིམ་བགྲོད་ཀྱིས་གླིང་བསྲེ་དགེ་བཤེས་ཀྱི་མཚན་རྟགས་བཞེས།
དེ་ནས་གྲྭ་ཚང་གི་དགེ་བཤེས་གཞོན་གྲས་དང་དགེ་བསྐོས་ལ་མ་བཞེངས་ཀྱང་སེར་བྱེས་མཁན་པོའི་ཕྱག་རྟགས་སྩལ་བ་ལྟར་སེར་བྱེས་མཁས་སྙན་གྲྭ་ཚང་གི་མཁན་ཁྲིར་ཕེབས་ཏེ་ཆོས་སྲིད་གཉིས་ཐད་ནས་དྲིན་གྱིས་བསྐྱངས།
༡༩༤༤ ལོར་རྒྱུ་རྐྱེན་འགའ་ཞིག་གིས་འཁྲུངས་ཡུལ་གྱི་ཕྱོགས་སུ་ཕེབས་ཤིང་དེར་ལོ་མང་རིང་ཉམས་བཞེས་སྒོམ་སྒྲུབ་གནང་བཞིན་བཞུགས་ན་ཡང་། ༡༩༤༩ ལོ་ནས་རྒྱ་མིའི་དབང་བསྒྱུར་གྱི་འོག་ཏུ་ཕྱི་ལ་མི་ཕེབས་ཀ་མེད་བྱུང་ཞིང་། དབང་སྒྱུར་བའི་བཀའ་བཀོད་ལྟར་ཚོགས་འདུ་གང་མང་ལ་ཕེབས་དགོས་བྱུང་བ་དང་། དབང་མེད་ཀྱིས་གོ་གནས་ཀྱང་འཁུར་དགོས་བྱུང་།
༡༩༥༤ ལོར་༧སྐྱབས་མགོན་རྒྱལ་བ་ཡབ་སྲས་རྣམ་གཉིས་རྒྱ་ནག་ཏུ་གཟིགས་བསྐོར་ལ་ཕེབས་སྐབས་༧གོང་ས་མཆོག་ལ་མཇལ་བཅར་ཞུས་པ་དང་། རྗེས་སུ་ལྷ་སར་ཕེབས་ཏེ་༧གོང་ས་༧སྐྱབས་མགོན་ཆེན་པོ་མཆོག་ལ་སྤྱན་རས་གཟིགས་ཕྱག་སྟོང་སྤྱན་སྟོང་གི་དབང་ཆེན་ཞུས་པར་ལྷ་ལྡན་ནོར་བུ་གླིང་ཁར་སྐྱ་སེར་མང་པོར་ཐུགས་དགྱེས་པ་ཆེན་པོས་སྩལ་གནང་མཛད། དེ་ནས་ཕྱིར་རང་ཡུལ་དུ་ཕེབས། [འདས་དུས་སོགས་ཁ་གསལ་མ་རྙེད། ]
༢༠༡༥.༠༨.༠༦ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།
མཛད་པ་པོ། དཔལ་ཁང་ལོ་ཙཱ་བ།
འགྲེལ་བ་པོ། ཁུ་ནུ་བསྟན་འཛིན་རྒྱལ་མཚན།
བརྗོད་བྱ། བོད་ཀྱི་བརྡའི་རྣམ་གཞག
རིག་མཛོད་འཕྲུལ་དེབ་ཨང་། SJRB-0408
ཡིག་ཆའི་རྣམ་པ། PDF
ཤོག་གྲངས། 200 ལྗིད་ཚད། 2.3MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༢ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
གསལ་བཤད་མདོར་བསྡུས།
འཕྲུལ་དེབ་འདིའི་ནང་དུ་དཔལ་ཁང་ལོ་ཙཱ་བས་མཛད་པའི་དག་ཡིག་ངག་སྒྲོན་དང་། དེའི་འགྲེལ་པ་ཁུ་ནུ་བླ་མ་བསྟན་འཛིན་རྒྱལ་མཚན་གྱིས་མཛད་པ་གཉིས་ལྷན་དུ་བཞུགས་ཡོད་པ་དང་། འཕྲུལ་དེབ་འདི་སྒྲིག་སྐབས་མི་རིགས་དཔེ་སྐྲུན་ཁང་ནས་བསྐྲུན་པའི་དེབ་གཟུགས་དང་མཐུན་པར་བསྒྲིགས་ཤིང་སྡེ་དགེའི་ཤིང་དཔར་དཔེ་རིང་ལའང་ཟུར་བལྟ་ཅུང་ཟད་རེ་བྱས་ཡོད།
| PDF ཕབ་ལེན། |
|---|
མཛད་པ་པོ། རྒྱལ་སྲས་ཆེན་པོ་ཞི་བ་ལྷ།
བརྗོད་བྱ། བསླབ་པའི་གནད་ཀུན་ལས་བཏུས་པ།
རིག་མཛོད་འཕྲུལ་དེབ་ཨང་། SJRB-0406
རྣམ་པ། PDF
ཤོག་གྲངས། 511 ལྗིད་ཚད། 2.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༢ ཟླ་ ༡༡ པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྒྱལ་སྲས་ཆེན་པོ་ཞི་བ་ལྷ་མཆོག་ནི། དུས་རབས་བདུན་པའམ་བརྒྱད་པ་ཙམ་ལ་རྒྱ་གར་རྡོ་རྗེ་གདན་གྱི་ནུབ་ཕྱོགས་ཡུལ་འཁོར་མོ་བཟང་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་སུ་འཁྲུངས། མཚན་ཞི་བའི་གོ་ཆ་ཞེས་བཏགས། སྐུ་ན་ཕྲ་མོ་ནས་རིག་གནས་ཐམས་ཅད་ལ་མཁས་པའི་ཕུལ་དུ་ཕྱིན། རྗེ་བཙུན་འཇམ་པའི་དབྱངས་ཀྱི་ཞལ་གཟིགས། ཡབ་འདས་ནས་རྒྱལ་སྲིད་ལ་དབང་བསྐུར་བའི་དོ་ནུབ་བྲོས་ནས་ན་ལེནྡྲར་རྒྱལ་བའི་ལྷ་ལས་རབ་ཏུ་བྱུང་སྟེ། མཚན་ཞི་བ་ལྷ་ཞེས་གསོལ། མཁན་པོ་ལས་སྡེ་སྣོད་གསུམ་ལ་སྦྱངས་པས་མཁས་པའི་ཕུལ་དུ་ཕྱིན་པར་གྱུར། རྗེ་བཙུན་འཇམ་པའི་དབྱངས་ལས་དངོས་སུ་ཆོས་གསན་ཏེ་མདོ་སྔགས་ཀྱི་བཀའ་དང་གདམས་པ་མ་ལུས་པ་ཐུགས་སུ་ཆུད། སློབ་དཔོན་འདིས་མཛད་པའི་བསྟན་བཅོས་ལ། སྤྱོད་འཇུག་དང་བསླབ་བཏུས་སོགས་བཞུགས།
| PDF ཕབ་ལེན། |
|---|
བསྡུ་བ་པོ། དགྲ་བཅོམ་པ་ཆོས་སྐྱོབ།
བརྗོད་བྱ། སྣ་ཚོགས་པའི་ཚོམས།
རིག་མཛོད་འཕྲུལ་དེབ་ཨང་། SJRB-0405
ཡིག་ཆའི་རྣམ་པ། PDF
ཤོག་གྲངས། 113 ལྗིད་ཚད། 957KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
| PDF ཕབ་ལེན། |
|---|
མཛད་པ་པོ། རོང་ཐ་བློ་བཟང་དམ་ཆོས་རྒྱ་མཚོ།
བརྗོད་བྱ། དཀྱིལ་འཁོར་གྱི་ཐིག་སོགས།
རིག་མཛོད་འཕྲུལ་དེབ་ཨང་། SJRB-0407
ཡིག་ཆའི་རྣམ་པ། PDF
ཤོག་གྲངས། 178 ལྗིད་ཚད། 1.3MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རོང་ཐ་བློ་བཟང་དམ་ཆོས་རྒྱ་མཚོ་མཆོག་ནི། བོད་ཤར་ཕྱོགས་མདོ་ཁམས་སྒ་ལུང་དུ་རབ་བྱུང་བཅུ་བཞི་པ་ཤིང་གླང་༡༨༦༥ལོར་སྐུ་འཁྲུངས། སྐུ་ན་ཆུང་དུས་རྗེ་དམ་ཚིག་རྡོ་རྗེའི་ཡང་སྤྲུལ་དུ་ངོས་འཛིན་མཛད་ནས། དགུང་ལོ་དགུ་ཙམ་ལ་ཕེབས་སྐབས་ལྡན་མ་སྒ་རྭ་ཉག་ཕུན་ཚོགས་གླིང་དགོན་དུ་ཆོས་ཞུགས་མཛད་ནས་བཞུགས་ཁྲི་ལ་མངའ་གསོལ། རོང་ཐ་སྐྱབས་མགོན་ཆོས་འབྱོར་ལྷུན་གྲུབ་དང་རྗེ་བཙུན་ཕུར་ལྕོག་པ་སོགས་ཡོངས་འཛིན་དུ་གཙུག་ཏུ་བཀུར་ནས་གཞུང་ཆེན་ལ་ཐོས་བསམ་མཐར་ཕྱིན་པ་གནང་། གསུང་རྩོམ་པོད་བཞི་བཞུགས་པའི་ཁྲོད་ན་མདོ་སྔགས་ཀྱི་ཆོས་དང་ཐུན་མོང་བ་སྐར་རྩིས་ཐིག་རྩ་སྒྲ་རིག་པ་བཅས་ཆ་ཚང་བའི་སྐོར་བཞུགས། རྗེ་ཕ་བོང་ཁ་པ་དང་འབུལ་སྡུད་སྤྲུལ་སྐུ་སོགས་ལ་ཐུན་མོང་བ་སྐར་རྩིས་སྐོར་སློབ་ཁྲིད་གནང་། དགུང་ལོ་ཞེ་བདུན་སྐབས་འཇིགས་བྱེད་དབང་ཆོག་བརྩམས། དེ་རྗེས་ཀྱི་ལོ་རྒྱུས་རྙེད་སོན་མ་བྱུང༌།
| PDF ཕབ་ལེན། |
|---|
མཛད་པ་པོ། གསེར་ཏོག་བློ་བཟང་ཚུལ་ཁྲིམས་རྒྱ་མཚོ།
བརྗོད་བྱ། གསང་སྔགས་ཀྱི་ས་ལམ་བགྲོད་ཚུལ།
རིག་མཛོད་འཕྲུལ་དེབ་ཨང་། SJRB-0403
ཡིག་ཆའི་རྣམ་པ། PDF
ཤོག་གྲངས། 362 ལྗིད་ཚད། 2MB
སྒྲིག་སྦྱོར་བ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསེར་ཏོག་བློ་བཟང་ཚུལ་ཁྲིམས་རྒྱ་མཚོ་མཆོག་ནི། མདོ་སྨད་ཅོང་ཆུའི་ཉེ་འགྲམ་ཡབ་རྟ་མགྲིན་དང་། ཡུམ་ཚེ་མདོ་གཉིས་ཀྱི་སྲས་སུ་ཕྱི་ལོ་༡༨༤༥ལོར་འཁྲུངས། གསེར་ཁང་བློ་བཟང་བསྟན་འཛིན་རྒྱ་མཚོའི་དྲུང་དུ་དགེ་བསྙེན་གྱི་སྡོམ་པ་བཞེས། ཆུ་བཟང་རིན་པོ་ཆེ་བློ་བཟང་ཐུབ་བསྟན་རབ་རྒྱས་དྲུང་དུ་དགེ་ཚུལ་གྱི་སྡོམ་པ་མནོས། ཤིང་བཟའ་བློ་བཟང་བསྟན་པའི་དབང་ཕྱུག་ཚུལ་ཁྲིམས་ཀྱི་དྲུང་དུ་བསྙེན་པར་རྫོགས། སྐུ་འབུམ་གྱི་སྐུ་འབུམ་གྱི་ཁྲིར་བཞུགས། ཆོས་རྗེ་དོན་གྲུབ་རིན་ཆེན་གྱི་གདན་ས་བྱ་ཁྱུང་དགོན་པའི་ཁྲི་ལ་བཞུགས། རྩིས་སྐར་ནག་དང་། དགའ་ལྡན་རྩིས་གསར་སོགས་རྩིས་རིག་གསན་བཞེས་མཛད། དགུང་ལོ་དོན་གཅིག་ལ་སྟེ་ཕྱི་ལོ་༡༩༡༥ལོར་དགོངས་པ་ཆོས་དབྱིངས་སུ་ཐིམ།
ཁོང་གི་བརྩམས་ཆོས་ནི། [སྐུ་འབུམ་གྱི་གདན་རབས་] [དགེ་ལྡན་རྩིས་གཞུང་བླང་དོར་གསལ་བའི་སྣང་བའི་མཛོད་མངོན་པར་དྲངས་པའི་རེའུ་མིག་མདོར་བསྡུས་མགྱོགས་འགྲོ་བདུན་ལྡན་གྱི་ཤིང་རྟ་] [བོད་ཀྱི་བརྡ་སྤྲོད་པ་སུམ་ཅུ་པ་དང་རྟགས་ཀྱི་འཇུག་པའི་མཆན་འགྲེལ་མདོར་བསྡུས་ཏེ་བརྗོད་པ་ངོ་མཚར་འཕྲུལ་གྱི་ལྡེ་མིག་] [སྒྲུབ་ཐབས་རིན་ཆེན་འབྱུང་གནས་ཀྱི་རྗེས་གནང་སྐབས་སུ་ཉེ་བར་མཁོ་བའི་མཆོད་གཏོར་སོགས་ཀྱི་ལག་ལེན་ཐུར་དུ་བཀོལ་བ་ཀུན་གསལ་མེ་ལོང་] [གསང་ཆེན་རྡོ་རྗེ་ཐེག་པའི་ས་དང་ལམ་གྱི་རྣམ་པར་གཞག་པ་ཟུང་འཇུག་ཁང་དུ་བགྲོད་པའི་རིན་ཆེན་ཐེམ་སྐས་]སོགས་བཀའ་རྩོམ་པོད་འབྲིང་བཅུ་ཙམ་མཛད།
| PDF ཕབ་ལེན། |
|---|
མཛད་པ་པོ། པཎ་ཆེན་བློ་བཟང་ཆོས་རྒྱན།
བརྗོད་བྱ། བསྐྱེད་པའི་རིམ་པ།
རིག་མཛོད་འཕྲུལ་དེབ་ཨང་། SJRB-0404
ཡིག་ཆའི་རྣམ་པ། PDF
ཤོག་གྲངས། 85 ལྗིད་ཚད། 898KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
པཎ་ཆེན་བློ་བཟང་ཆོས་ཀྱི་རྒྱལ་མཚན་མཆོག་ནི། ཕྱི་ལོ་ ༡༥༧༠ ལོར་གཙང་རོང་དུ་འཁྲུངས། པཎ་ཆེན་སྐུ་ཕྲེང་བཞི་པ། དགུང་ལོ་ཆུང་ངུའི་སྐབས་དབེན་ས་བློ་བཟང་དོན་གྲུབ་ཀྱི་སྤྲུལ་སྐུར་ངོས་འཛིན་མཛད། དགུང་ལོ་བཅུ་གསུམ་གྱི་སྐབས་དགེ་ཚུལ་གྱི་སྡོམ་པ་བཞེས། དགུང་ལོ་བཅུ་བཞིའི་སྐབས་དབེན་དགོན་གྱི་ཁྲི་པ་མཛད། དགུང་ལོ་བཅུ་བདུན་པར་བཀྲ་ཤིས་ལྷུན་པོར་གཞུང་ཆེན་སློབ་གཉེར་དུ་ཕེབས། དགུང་ལོ་སོ་གཅིག་གི་སྐབས་བཀྲ་ཤིས་ལྷུན་པོའི་ཁྲིར་ཕེབས། དགུང་ལོ་ཞེ་བཞིའི་སྐབས་རྒྱལ་བ་ཡོན་ཏན་རྒྱ་མཚོའི་ཡོངས་འཛིན་མཛད། དགུང་ལོ་ཞེ་བདུན་གྱི་སྐབས་སེ་འབྲས་གཉིས་ཀྱི་མཁན་པོ་ལོ་ལྔ་རེ་མཛད། དགུང་ལོ་ལྔ་བཅུ་ང་གཉིས་ཀྱི་སྐབས་རྒྱལ་བའི་ཡང་སྲིད་ངོས་འཛིན་དང་། དགུང་ལོ་ང་ལྔའི་སྐབས་རྒྱལ་བ་བློ་བཟང་རྒྱ་མཚོའི་རབ་བྱུང་གི་མཁན་པོ་དང་། དགུང་ལོ་རེ་བརྒྱད་པར་བསྙེན་རྫོགས་ཀྱི་སྡོམ་པ་ཕུལ། དགུང་ལོ་དོན་བཞིའི་སྐབས་རྒྱ་ནག་གི་རྒྱལ་པོས་པཎ་ཆེན་ཞེས་པའི་མཚན་ཕུལ་ཏེ་གཙུག་ཏུ་བཀུར། སློབ་མ་གྲགས་ཆེ་པ། རྒྱལ་བ་ཡོན་ཏན་རྒྱ་མཚོ་དང། རྒྱལ་དབང་ལྔ་པ་སོགས་མང་དུ་བྱུང་། ༡༦༦༢ ལོར་སྐུ་གཤེགས། གསུང་རྩོམ་ལ་པོ་ཏི་ལྔ་བཞུགས།
| PDF ཕབ་ལེན། |
|---|
མཛད་པ་པོ། ཁྲི་ཆེན་རྒྱལ་མཚན་སེངྒེ།
བརྗོད་བྱ། བསྐྱེད་རྫོགས་ཀྱི་རིམ་པ།
རིག་མཛོད་འཕྲུལ་དེབ་ཨང་། SJRB-0402
ཡིག་ཆའི་རྣམ་པ། PDF
ཤོག་གྲངས། 167 ལྗིད་ཚད། 1.2MB
གསར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཁྲི་ཆེན་རྒྱལ་མཚན་སེང་གེ་མཆོག་ནི། རབ་བྱུང་བཅུ་གཅིག་པའི་ས་ཕོ་རྟ་ལོ་སྟེ་སྤྱི་ལོ ༡༦༧༨ ལོར་ད་ལྟའི་ཀན་ལྷོའི་ཀླུ་ཆུ་རྫོང་གི་ཟམ་ཚ་ཞང་ཀ་དེའུ་མགོའི་གྲོང་དུ་ཡབ་ཚེ་རིང་བཀྲ་ཤིས་དང་། ཡུམ་སྙིང་མོ་ལྕགས་གཉིས་ཀྱི་སྲས་སུ་སྐུ་འཁྲུངས། དགུང་ལོ་བཅུ་གཅིག་པར་ཏཱ་དབོན་ཚུལ་ཁྲིམས་སེང་གེ་ལས་རབ་ཏུ་བྱུང་། དམ་པ་དེར་བསྟེན་ནས་ཡི་གེའི་འབྲི་ཀློག་སྦྱངས། དགུང་ལོ་ཉེར་དགུ་པར་དབུས་སུ་ཕེབས་ཏེ་འབྲས་སྤུངས་སྒོ་མང་ཆོས་གྲྭར་བཞུགས། ཀུན་མཁྱེན་དབལ་ཤུལ་ངག་དབང་བརྩོན་འགྲུས་ཀྱི་དྲུང་དུ་བསྡུས་གྲྭའི་བརྩི་བཞག་གསན། པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ལས་དགེ་ཚུལ་དང་བསྙེན་རྫོགས་ཀྱི་སྡོམ་པ་མནོས། དགུང་ལོ་སོ་དགུ་པར་སྨོན་ལམ་གྲྭ་སྐོར་མཛད། དེ་ནས་རྒྱུད་སྟོད་ཆོས་གྲྭར་ཞུགས་ཏེ་སྔགས་ལ་སྦྱངས། དགུང་ལོ་ང་ལྔ་པ་ལ་དགའ་ལྡན་གསེར་ཁྲི་རིན་པོ་ཆེར་ཞབས་ཀྱི་པདྨའི་འཁོར་ལོ་བཀོད། གདན་རབས་ང་གསུམ་པ་ཡིན། དགའ་ལྡན་དགོན་དུ་གསེར་དངུལ་སྲང་མང་པོས་བྱང་ཆུབ་མཆོད་རྟེན་བཞེངས། ཚོགས་མཆོད་ལ་དངུལ་ཊཾ་འགྱེད་དང་སྒོ་མང་ལ་སྲང་རེ་ཕུལ། འདུ་ཁང་སྟེང་དུ་གསེར་གྱི་རྒྱལ་མཚན་ཆ་གཅིག་བཞེངས། དགུང་ལོ་བདུན་ཅུ་བར་མདོ་སྨད་དུ་ཕེབས་ཏེ་བླ་བྲང་བཀྲ་ཤིས་འཁྱིལ་དུ་ཀུན་མཁྱེན་སྐུ་ཕྲེང་གཉིས་པ་འཇིགས་མེད་དབང་པོ་དང་མཇལ་འཛོམས་ཀྱིས་ཐུགས་འབྲེལ་ཟབ་པར་གྱུར། རབ་བྱུང་བཅུ་གསུམ་པའི་ས་ཕོ་འབྲུག་ལོ་སྟེ་སྤྱི་ལོ ༡༧༤༨ ལོར་ཆོས་སྡེ་ཆེན་པོ་དགའ་ལྡན་བཤད་སྒྲུབ་པད་དཀར་གྲོལ་བའི་གླིང་ཉིད་གསར་དུ་བཏབ། རབ་བྱུང་བཅུ་གསུམ་པའི་མེ་ཕོ་བྱི་ལོ་སྟེ་སྤྱི་ལོ ༡༧༥༦ ལོར་སྐུ་གཤེགས།
| PDF ཕབ་ལེན། |
|---|
སེ་ར་ཐེག་པ་ཆེན་པོའི་གླིང་གི་ངོ་སྤྲོད་མདོར་བསྡུས།
སེ་ར་ཐེག་པ་ཆེན་པོའི་གླིང་ནི། ༡༤༡༩ ལོར་རྗེ་ཙོང་ཁ་པའི་དངོས་སློབ་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཀྱིས་ཕྱག་བཏབ། དགོན་པ་ཐོག་མར་འདེབས་སྐབས་གནས་དེ་ཤིང་སེ་བས་ར་བ་བསྐོར་བ་ལྟར་ཡོད་པས་སེ་ར་ཞེས་བརྗོད། སེ་ར་དགོན་པ་མ་ཆགས་གོང་དུ་རྗེ་ཙོང་ཁ་པ་ཆེན་པོ་སེ་ར་ཆོས་སྔིངས་སུ་བཞུགས་ནས་སློབ་མ་མང་པོར་ཟབ་རྒྱས་ཆོས་ཀྱི་འཁོར་ལོ་བསྐོར་ཞིང་། ལྷག་པར་དབུ་མ་རྩ་བ་ཤེས་རབ་ཀྱི་ཊཱིཀ་ཆེན་རྩོམ་པར་དགོངས་ཏེ་ཟབ་མོ་སྟོང་པ་ཉིད་ལ་བརྟག་ཅིང་དཔྱད་པ་ན། གཟིགས་སྣང་ལ་ཤེར་ཕྱིན་གྱི་མདོའི་བརྗོད་བྱ་སྟོང་ཉིད་བཅུ་དྲུག་སོགས་ཨ་ཡིག་གི་རྣམ་པར་ཆར་བབས་པས། བྱེས་ཆོས་རའི་ནང་གི་རྡོ་ཕུང་ཞིག་ལ་བཅུ་གསུམ་ཐིམ་པར་གཟིགས་པ་ལྟར། བྲག་རྡོའི་སྟེང་དུ་ཨ་ཡིག་གི་རྣམ་པ་འབུར་དོད་དུ་ཡོད་པ་དེང་སང་ཡང་སེ་ར་བྱེས་ཀྱི་ཆོས་རའི་ནང་དུ་མཇལ་རྒྱུ་ཡོད།
སྐབས་དེར་འཇམ་མགོན་བླ་མས་མ་འོངས་པར་གནས་དེར་དབུ་མ་ལ་མཁས་པའི་སྡེ་ཆེན་པོ་ཞིག་ཆགས་འོང་ཞེས་ལུང་བསྟན།
རྗེ་བདག་ཉིད་ཆེན་པོ་སྐུ་ཚེ་ཐ་མའི་སྐབས། གནས་དེར་ཕེབས་ནས་རྒྱུད་གྱི་རྒྱལ་པོ་གསང་བ་འདུས་པ་དང་འཁོར་ལོ་བདེ་མཆོག་གཉིས་ཀྱི་རྩ་རྒྱུད་དབུ་ནས་ཆོས་ཐུན་རེ་གསུངས། རྗེ་ཤེས་རབ་སེང་གེ་ལ་གསང་བ་འདུས་པའི་བསྟན་པ་གཏད། བྱམས་ཆེན་ཆོས་རྗེ་ལ་ཆོས་སྡེ་འདེབས་དགོས་པའི་བཀའ་བཀོད་མཛད་པ་བཞིན་སྣེའུ་རྫོང་དཔོན་ནམ་མཁའ་བཟང་པོས་མཐུན་རྐྱེན་སྦྱར་ནས་སེ་ར་ཐེག་ཆེན་གླིང་བཏབ། གྲྭ་ཚང་གསུམ། ཁམས་ཚན་སོ་གསུམ། གྲྭ་གྲངས་སྟོང་ཕྲག་གསུམ་ལྷག་བྱུང་། སོག་པོ་ལྷ་བཟང་གིས་བོད་ཀྱི་སྲིད་དབང་བཟུང་རྗེས་ཚོམས་ཆེན་རྙིང་པ་དེར་སྐུ་རིམ་གྲྭ་ཚང་བཙུགས་ཏེ་ད་ལྟའི་སྔགས་པ་གྲྭ་ཚང་དེ་ཡིན། རིམ་གྱིས་གྲྭ་ཚོགས་ཇེ་རྒྱས་སུ་སོང་ནས། རྒྱ། འབྲོང་སྟེང་། སྟོད་པ། སྨད་པ་བཅས་གྲྭ་ཚང་བཞིར་གྱེས་ཤིང་། ཡུན་རིང་མ་སོང་བར་རྒྱ་དང་འབྲོང་སྟེང་གཉིས་སྟོད་པ་གྲྭ་ཚང་དུ་ཟླ་སྒྲིལ་བཏང་ནས་རེ་ཞིག་གི་བར་སྟོད་སྨད་གྲྭ་ཚང་གཉིས་ལས་མེད། རྗེས་སུ་དུས་རབས་བཅོ་ལྔ་པའི་དུས་དཀྱིལ་དུ། རྗེ་རིན་པོ་ཆེ་དང་། རྒྱལ་བ་དགེ་འདུན་གྲུབ་པའི་དངོས་སློབ་རྣམ་དཔྱོད་ཕུལ་དུ་བྱུང་བ་ཀུན་མཁྱེན་མུས་སྲད་པ་བློ་གྲོས་རིན་ཆེན་སེང་གེ་དེ་ཉིད་འབྲས་སྤུངས་ནས་ཞལ་སློབ་མཁས་པ་བརྒྱ་ཕྲག་ལྷག་ཙམ་དང་ལྷན་ཅིག་ཏུ་ཕེབས་ཤིང་། སྟོད་པ་གྲྭ་ཚང་གི་ནང་གསེས་སྤོ་བོ་དང་གུང་རུ་ཁང་ཚན་གཉིས་མ་གཏོགས་ཡོངས་རྫོགས་དང་། རྒྱ་གྲྭ་ཚང་ཡོངས་རྫོགས། འབྲོམ་སྟེང་གྲྭ་ཚང་གི་ཁག་གཅིག་བཅས་ཚང་མ་སེར་བྱེས་གྲྭ་ཚང་དུ་འགྲིལ་ཞིང་། སྔགས་པ་གྲྭ་ཚང་གསར་དུ་བཙུགས་པས། སྟོད་པ། སྨད་པ། སེར་བྱེས། སྔགས་པ་གྲྭ་ཚང་བཅས་ད་ལྟའི་གྲྭ་ཚང་བཞི་བྱུང་ཞིང་། གྲྭ་རྒྱུན་ཡོང་ཁུངས་མི་འདྲ་བའི་དབང་གིས་ཁམས་ཚན་སོ་གསུམ་དུ་གྱེས། སྟོད་པ་གྲྭ་ཚང་རྗེ་ཙོང་ཁ་པའི་དངོས་སློབ་གུང་རུ་རྒྱལ་མཚན་བཟང་པོས་ཐོག་མར་བཏབ་ཅིང་། དེང་སང་ཁང་ཚན་སྤོ་བོ་དང་། གུང་རུ་གཉིས་ཙམ་མ་གཏོགས་གཞན་དག་མེད་ཐོག །མཁན་པོ་ནི་མིང་ཙམ་ལས་གྲྭ་ཚང་ཟུར་ཚོགས་བྱེད་མཁན་མེད་པར་ལོ་མང་སོང་ཟིན། སྨད་པ་གྲྭ་ཚང་རྗེ་ཙོང་ཁ་པའི་དངོས་སློབ་ཀུན་མཁྱེན་བྱང་ཆུབ་འབུམ་པས་ཕྱག་བཏབ་ཅིང་། གྲྭ་ཚོགས་ཇེ་རྒྱས་སུ་སོང་སྟེ། ༡ སྨར་ཉུང་། ༢ ཐེ་བོ། ༣ ཨ་ར། ༤ ཚ་རྡོར། ༥ གཞུང་པ་སྟེ་ཅོ་ནེ་ཁག་ལྔ་དང་། ༦ ཡེར་པ། ༧ རོང་པོ། ༨ སྤོ་བོ། ༩ གུང་རུ། ༡༠ ཚ་བ། ༡༡ སྤོ་འབོར། ༡༢ མི་ཉག །༡༣ ཏཱ་དབེན། ༡༤ རྒྱལ་རོང་། ༡༥ གཙང་པ། ༡༦ ཀོང་པོ་བཅས་ཁམས་ཚན་བཅུ་དྲུག་བྱུང་། བྱེས་གྲྭ་ཚང་ནི། གོང་དུ་ཅུང་ཟད་བརྗོད་པ་ལྟར། ཀུན་མཁྱེན་མུས་སྲད་པ་བློ་གྲོས་རིན་ཆེན་སེང་གེས་ཕྱག་བཏབ་ཅིང་། ཕྱོགས་སོ་སོ་ནས་ཀྱང་སློབ་གཉེར་པ་མང་དུ་འདུས་པ་བཅས་ཀྱིས་བྱེས་མཁས་མང་གྲྭ་ཚང་དང་། དེ་ཡང་འབྲས་སྤུངས་ནས་བྱེས་སུ་གྱེས་ཏེ་གྲྭ་ཚང་ཆགས་པས་བྱེས་པ་གྲྭ་ཚང་དང་། ཐོག་མར་བཞུགས་ཡུལ་གཏན་འཇགས་མེད་པར་ཚལ་གུང་ཐང་དང་དབུས་སྟོད་སོགས་སུ་ཆོས་ཐོག་ལ་ཕེབས་པས་བྱེས་པ་གྲྭ་ཚང་ཡང་ཟེར། ཕྱོགས་སོ་སོ་ནས་ཕེབས་པའི་སློབ་གཉེར་པ་རྣམས་ལ་ལྟ་སྐྱོང་སོགས་ཀྱི་ཆེད་དུ་གྲྭ་ཚང་འདི་ལ་ཁམས་ཚན་ཉེར་གཅིག་བྱུང་སྟེ། ༡ ཧར་གདོང་། ༢ བསམ་བློ། ༣ བྱ་བྲལ། ༤ ཏྲེ་ཧོར། ༥ པྲ་སྟི། ༦ ཚྭ་བ། ༧ ལྷོ་པ། ༨ སྒོམ་སྡེ། ༩ ལྭ་བ། ༡༠ ལྡན་མ། ༡༡ མངའ་རིས། ༡༢ སྟག་མོ། ༡༣ གཙང་པ། ༡༤ རྒྱལ་བྱེད། ༡༥ ཨེ་པ། ༡༦ གཉལ་པ། ༡༧ དྭགས་པོ། ༡༨ རྩེད་ཐང་། ༡༩ གུ་གེ ། ༢༠ དཔེ་ཐུབ། ༢༡ ཟངས་དཀར། ཁམས་ཚན་འདི་དག་ཏུ་ཕྱི་ལོ་༡༩༥༩ ལོའི་བར་དུ་མི་རིགས་དང་ལུང་ཚན་དབྱེར་མེད་ཀྱི་སློབ་གཉེར་པ་གང་མང་ཞིག་རྒྱུན་མ་ཆད་པར་ཕེབས་མྱོང་ཡོད། ༡༩༥༩ ལོར་སེ་ར་ཐེག་ཆེན་གླིང་དུ་གྲྭ་གྲངས་༩༩༠༠ ཡོད་ན་ཡང་འཕགས་ཡུལ་དུ་ཉུང་ཤས་ཤིག་ལས་ཕེབས་ཐུབ་མེད། ༡༩༦༩ ལོའི་ཟླ་བ་༡༡ པའི་ནང་སྦག་ས་ནས་རྒྱ་གར་ལྷོ་ཕྱོགས་ཀར་རྣ་ཊ་ཀའི་ཁོངས་བྷེ་ཀོལ་གྱི་ད་ལྟའི་གནས་འདིར་གཞིས་སྤོ་བྱེད་སྐབས། སེར་སྨད་གྲྭ་ཚང་དུ་གྲྭ་གྲངས་༡༠༧ སེར་བྱེས་གྲྭ་ཚང་དུ་༡༩༣བཅས་ཁྱོན་བསྡོམས་༣༠༠ ཙམ་ལས་མེད་ཅིང་། ད་ལྟ་འཕགས་ཡུལ་དུ་གྲྭ་ཚང་གཉིས་ལས་མེད།
ཕྱི་ལོ་༢༠༢༢ ཟླ་༡༠ ཚེས་༢༠ཉིན་ཨ་རུ་ན་ཅལ་མངའ་སྡེའི་བློན་ཆེན་པདྨ་མཁའ་འགྲོ་མཆོག་དང་འབྲེལ་ཡོད་དཔོན་རིག་ཁག་གཅིག་བཅས་སེར་བྱེས་མཁས་སྙན་གྲྭ་ཚང་དུ་གནས་གཟིགས་བསྐྱངས།
ཉེར་བའི་ཆར་སེར་བྱེས་མཁས་སྙན་གྲྭ་ཚང་དང་མེ་སོར་གཙུག་ལག་སློབ་གཉེར་ཁང་གི་བར་ཉེ་བའི་གཙུག་ལག་རབ་འབྱམས་པ་འཛུལ་ཞུགས་ཀྱི་གྲོས་ཆོད་བཞག་པ་ལྟར། སེར་བྱེས་གྲྭ་ཚང་དུ་བསླབ་གཞི་ཁག་གསུམ་གྱི་ཐོག་ཆེད་སྦྱོང་ཉེ་བའི་གཙུག་ལག་རབ་འབྱམས་དབུ་འཛུགས་བྱ་རྒྱུའི་མཛད་སྒོའི་སྐུ་མགྲོན་དུ་གདན་འདྲེན་ཞུས་དོན་ལྟར། རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་པདྨ་མཁའ་འགྲོ་(Shri honourable Pema Khando)མཆོག་དང་། མེ་སོར་རྒྱལ་པོ་(HE Yaduveer Krishnadatta Chamaraja)མེ་སོར་གཙུག་ལག་སློབ་གཉེར་ཁང་གི་ཉེ་བའི་རིགས་བདག་ཆེན་མོ་སྐུ་ཞབས་ཧེ་མན་ཐ་ཀུ་མར་(Shri Prof G Hemantha Kumar)བཅས་ཆེད་ཕེབས་གནང་བའི་སྐབས། གྲྭ་ཚང་གི་དབུ་ཆོས་རྣམ་གསུམ་དང་། ཕྱག་མཛོད་རྣམ་པ་བཅས་ནས་ཕེབས་བསུ་གཟབ་རྒྱས་ཀྱི་སྣེ་ལེན་དང་འབྲེལ་སེར་བྱེས་མཁས་སྙན་གྲྭ་ཚང་དུ་ཆིབས་བསྒྱུར་གནང་།
དེའི་དགོང་མོར་ཆོས་རར་གཟིགས་སྐོར་གནང་བ་དང་། ཕྱི་ཚེས་༢༡སྔ་དྲོར་སེར་བྱེས་འབྲིང་རིམ་སློབ་གྲྭ་རྒྱ་གར་གཞུང་འབྲེལ་སློབ་གྲྭར་ངོས་བཞེས་ཐོབ་ནས་མི་ལོ་༢༥འཁོར་བའི་དུས་དྲན་མཛད་སྒོ་དང་གནང་བ་དང་། དེའི་ཉིན་རྒྱབ་ཆེད་སྦྱོང་ཉེ་བའི་གཙུག་ལག་རབ་འབྱམས་ཀྱི་དབུ་འཛུགས་མཛད་སྒོའི་སྐུ་མགྲོན་གཙོ་བོར་གནང་བ་བཅས།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༢༢ ཟླ་ ༡༠ ཚེས་ ༡༤ ལ། [དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།]
འཕྲིན་ཐུང་།: དཔྱོད་ལྡན་རབ་ཡངས་དག་གི་ཆེད་དུ་རིས་མེད་དམ་པའི་གསུང་རྩོམ་སོགས་སེར་བྱེས་རིག་མཛོད་ཆེན་མོའི་དྲ་ཐོག་ནས་ཕབ་ལེན་བདེ་བར་བཞག་ཡོད་ན་འདི་གའི་ལས་ཁུངས་ནས་ཡིག་ཆ་སོགས་ཐད་ཀར་སྤྲོད་ཀྱི་མེད་པས་དེ་དགོངས་འཇགས་ཞུ།
འཕྲིན་ཐུང་།: མཁྱེན་དཔྱོད་རབ་ཡངས་རིས་མེད་ཆོས་སྡེ་ཁག་གི་མཁས་དབང་རྣམས་ཀྱིས་སྔ་རྗེས་སུ་འདི་གའི་རྩོམ་སྒྲིག་ཁང་ལ་དཔེ་དེབ་ཀྱི་པར་རྩ་དང་སློབ་ཁྲིད་ཀྱི་སྒྲ་བཅས་གནང་བར་འདི་གའི་རྩོམ་སྒྲིག་ཁང་ནས་ཐུགས་རྗེ་ཆེ་ཞུས།
འཕྲིན་ཐུང་།: བཀུར་འོས་མཁྱེན་ཡངས་པ་དག་གིས་འདི་གའི་དྲ་ངོས་ཀྱི་འཕྲུལ་དེབ་སོགས་གཟིགས་སྐབས་ཡིག་ནོར་གང་ཡོད་རྟགས་བརྒྱབ་སྟེ་འདི་གར་བསྐུར་གནང་ཚེ་འདི་ནས་སྐབས་འཕྲལ་བཟོ་བཅོས་བྱ་ངེས་ལགས།
| ཐོ་གཞུང་། | ཐད་གཟིགས་སྦྲེལ་སྣེ། | རྒྱུན་མངགས་ཡིག་ཟམ། |
|---|---|---|
| འཕྲིན་གསར། |  |
 |
| འཕྲུལ་དེབ་གསར་ཤོས། | |
|
| སྒྲ་གསར་ཤོས། | |
|
| གསལ་བསྒྲགས། | |
|
| ཚོམས་གསར་ཤོས། | |
|
| གཅེས་ཉར་ཡིག་ཚགས་གསར་ཤོས། | |
|
| བཀའ་སློབ་གསར་ཤོས། | |
|