མཛད་པ་པོ། དཀོན་མཆོག་བློ་གྲོས་རྒྱ་མཚོ།
བརྗོད་བྱ། གབ་ཚིག་སྐོར།
རིག་མཛོད་འཕྲུལ་དེབ་ཨང་། SJRB-0181
ཡིག་ཆའི་རྣམ་པ། PDF
ལྗིད་ཚད། 429KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
གསལ་བཤད་མདོར་བསྡུས། དཔྱི་ས་དཀོན་མཆོག་བློ་གྲོས་རྒྱ་མཚོ་ནི། ཕྱི་ལོ་༡༨༩༠ ལོར་མདོ་སྨད་རེབ་གོང་ཕྱོགས་སུ་སྐུ་འཁྲུངས། དགུང་ལོ་བརྒྱད་པར་དགེ་བསྙེན་གྱི་སྡོམ་པ་བཞེས་ཏེ་དཔྱི་སའི་བན་གྱའི་གྲྭ་རྒྱུན་དུ་ཞུགས། དགུང་ལོ་བཅོ་བརྒྱད་པར་རྗོང་དཀར་དུ་ཕེབས་ཏེ་གཙང་དགེ་བཤེས་ལས་སྔ་ཕྱིར་དཔེ་ཁྲིད་མང་དུ་གསན། དགུང་ལོ་ཉི་ཤུ་པར་ལྡེ་ཚ་དགོན་དུ་ཕེབས་ཏེ་རབ་ཏུ་བྱུང་ཞིང་བསྙེན་པར་རྫོགས། ཧོར་ཆེན་ཡེ་ཤེས་རྒྱ་མཚོ་སོགས་བསྟེན་ཏེ་གཞུང་ལ་སྦྱངས། དགུང་ལོ་བཞི་བཅུ་པར་ཀ་རིང་ཨེ་ཝཾ་གླིང་དུ་ཕེབས་པ་ནས་བཟུང་ཡོངས་འཛིན་བློ་བཟང་དཔལ་ལྡན་སོགས་བསྟེན་ཏེ་མདོ་རྒྱུད་ལ་སྦྱངས་པ་མཛད། དཔྱི་ས་དགོན་དགེ་བྱེད་གླིང་གསར་འདེབས་མཛད། ཕྱི་ལོ་༡༩༥༩ ལོར་རྒྱའི་བཙོན་འོག་ཏུ་སྐུ་གཤེགས། ཁོང་གི་གསུང་རྩོམ་ལ། རྩོད་ཡིག་གསང་འཛིན་མཚོན་ཆའི་འཁོར་ལོ་སོགས་ཡོད།

མཛད་པ་པོ། དངུལ་ཆུ་དྷརྨ་བྷ་དྲ།
བརྗོད་བྱ། བོད་ཀྱི་བརྡའི་རྣམ་གཞག
རིག་མཛོད་འཕྲུལ་དེབ་ཨང་། SJRB-0180
ཡིག་ཆའི་རྣམ་པ། PDF
ལྗིད་ཚད། 1.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༧ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དངུལ་ཆུ་བླ་མ་ཆོས་བཟང་ངམ། ཡོངས་གྲགས་སུ་དངུལ་ཆུ་དྷརྨ་བྷ་དྲ་ཞེས་འབོད། གཙང་ཕྱོགས་སུ་འཁྲུངས། དགུང་ལོ་བཅུ་གཅིག་སྐབས་ནས་ཡི་གེ་འབྲི་ཀློག་སོགས་སྦྱངས། དགུང་ལོ་བཅུ་བཞིའི་སྐབས་ཆོས་སྒོར་ཞུགས། བཀྲ་ཤིས་ལྷུན་པོ་སོགས་སུ་གཞུང་ཆེན་ཁག་གཙོ་བྱས་ཏེ་ཐུན་མོང་དང་ཐུན་མོང་མ་ཡིན་པའི་རིག་པའི་གནས་མཐའ་དག་ལེགས་པར་སྦྱངས། སློབ་མ་གྲགས་ཆེན་དབྱངས་ཅན་གྲུབ་པའི་རྡོ་རྗེ་དང་། མཁས་ཆེན་ངག་དབང་སྙན་གྲགས་སོགས་མང་ངོ་། ༡༨༥༡ ལོར་དངུལ་ཆུ་རི་ཁྲོད་དུ་སྐུ་གཤེགས། གསུང་རྩོམ་ལ། པོ་ཏི་དྲུག་བཞུགས།

མཛད་པ་པོ། སྣ་ཚོགས།
བརྗོད་བྱ། ཞལ་འདོན།
རིག་མཛོད་འཕྲུལ་དེབ་ཨང་། SJRB-0250
ཡིག་ཆའི་རྣམ་པ། PDF
ཤོག་གྲངས། 217  ལྗིད་ཚད། 1.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༥ ཟླ་བདུན་པར་བསྐྱར་བཅོས་ཐེངས་གཉིས་པ་བྱས།
ངོ་སྤྲོད་མདོར་བསྡུས།
འཕྲུལ་དེབ་འདི་ནི་དད་ལྡན་དོན་གཉེར་ཅན་དག་གི་ཞལ་འདོན་སོགས་ཀྱི་ཆེད་དུ། འདི་ག་རྩོམ་སྒྲིག་པས་སེར་བྱེས་མཁས་སྙན་གྲྭ་ཚང་གི་ཆོས་སྤྱོད་རབ་གསལ་ལ་སྟོད་སྨད་གཉིས་བྱས་ཏེ་རྩོམ་སྒྲིག་བྱས་པ་ལས་སྨད་ཆ་ཡིན་ལ། པར་རྩའི་ནང་དུ་མ་དག་པ་ཡོད་པ་དག་ལས་ལག་ལ་གང་ཐོགས་ཤིག་ནོར་བཅོས་བྱས་ཡོད།

མཛད་པ་པོ། སྣ་ཚོགས།
བརྗོད་བྱ། ཞལ་འདོན།
རིག་མཛོད་འཕྲུལ་དེབ་ཨང་། SJRB-0218
ཡིག་ཆའི་རྣམ་པ། PDF
ལྗིད་ཚད། 1.1MB
རྩོམ་སྒྲིག་འགན་འཁུར་པ། མར་ནང་དགེ་བཤེས་ཁྲི་གཡུང་དྲུང་།
ཡོང་ཁུངས། གོང་འཁོད་རྩོམ་སྒྲིག་པ།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༩ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༧ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། གཡུང་དྲུང་བོན་གྱི་ཞལ་འདོན་ཕྱོགས་བསྡུས་ཀྱི་འཕྲུལ་དེབ་འདི་ནི་གཡུང་དྲུང་བོན་གྱི་དད་ལྡན་སྐྱ་སེར་རྣམས་ལ་ཕན་སླད། ཡོང་ཁུངས་གོང་འཁོད་ཀྱི་རྩོམ་སྒྲིག་པ་བརྒྱུད་ལག་སོན་བྱུང་བར་རྒྱབ་ཤའི་གཤམ་དུ་འགྲེམས་སྤེལ་སྒྲིག་སྦྱོར་མཁན་དང་དེབ་ཨང་སོགས་གསལ་བའི་ཡིག་ཆུང་ཞིག་སྦྱར་བ་ལས་གཞན་དོ་བདག་གི་པར་གཞི་རང་སོར་བཞག་སྟེ་འཕྲུལ་དེབ་ཏུ་རྩོམ་སྒྲིག་བྱས་ཡོད།

རྩོམ་པ་པོ། སེར་བྱེས་གྲྭ་ཚང་གི་སློབ་གཉེར་བ་སྐོར་ཞིག
ཡོང་ཁུངས། དཔྱད་བརྗོད་རྩོམ་སྒྲིག་པ།
བརྗོད་བྱ། ཕར་ཕྱིན་སྐོར་གྱི་དཔྱད་བརྗོད།
རིག་མཛོད་འཕྲུལ་དེབ་ཨང་། SJRB-0306
ཡིག་ཆའི་རྣམ་པ། PDF
ལྗིད་ཚད། 1.1MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་བཅུ་གཉིས་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༧ ལ་བསྐྱར་དུ་རྩོམ་སྒྲིག་བྱས།
གསལ་བཤད་མདོར་བསྡུས། དེང་རྩོམ་གྱི་རིགས་ནི་ཡོང་ཁུངས་དེབ་ཏུ་གསལ་བ་ལྟར་དང་། EPUB རུ་རྩོམ་སྒྲིག་བྱས་ཡོད་པ་དག་ལ། རྒྱབ་ཤའི་ཟུར་དུ་འདི་ག་རྩོམ་སྒྲིག་ཁང་གི་ལས་རྟགས་དང་། བསྡོམས་ཐོ་ལེན་སླ་ཕྱིར་དེབ་ཨང་བཀོད་ཅིང་། PDF བཟོས་མེད་པ་དག་ལ་ PDF གསར་དུ་བཟོས་པ་དང་། བལྟ་ཀློག་གི་ཆེད་དུ་བརྩམས་ཆོས་ Ms-Word ཡི་ནང་དུ་ཕབ་པ་ལས་གཞན། བརྩམས་ཆོས་རང་གི་ཡིག་འབྲུ་གཅིག་ལའང་བཟོ་བཅོས་མེད་པར་རང་སོར་བཞག་ཡོད།