མཛད་པ་པོ། ས་སྐྱ་པཎྜིཏ་ཀུན་དགའ་རྒྱལ་མཚན།
བརྗོད་བྱ། ཡི་གེའི་སྡེབ་སྦྱོར་སོགས།
རིག་མཛོད་འཕྲུལ་དེབ་ཨང་། SJRB-0092
ཡིག་ཆའི་རྣམ་པ། PDF
ལྗིད་ཚད། 545KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༦ ཚེས་ ༢༢ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ཆོས་རྗེ་ས་སྐྱ་པཎྜིཏ་ཀུན་དགའ་རྒྱལ་མཚན་ནི། ས་སྐྱར་ཡབ་དཔལ་ཆེན་འོད་པོ་ཆེའི་སྲས་སུ་སྐུ་འཁྲུངས། ཆུང་དུས་ཀྱི་མཚན་ལ་དཔལ་ལྡན་དོན་གྲུབ་ཞུ་ཞིང་། ཁུ་བོ་གྲགས་པ་རྒྱལ་མཚན་ལས་དགེ་བསྙེན་གྱི་སྡོམ་པ་བཞེས་ཏེེ་མཚན་ལ་ཀུན་དགའ་རྒྱལ་མཚན་གསོལ། དགུང་ལོ་ཆུང་དུས་ནས་བཟུང་ཚད་མ་རིག་པ་དང་། བཟོ་གསོ། སྒྲ་རྩིས། དབུ་ཕར། འདུལ་མཛོད། གསང་སྔགས་རྒྱུད་སྡེ་བཞི་ལ་སོགས་པ་ལག་ལེན་འཁྱོལ་ཐུབ་པའི་མཁས་པར་གྱུར། རྒྱ་གར་ལྷོ་ཕྱོགས་ཀྱི་མུ་སྟེགས་པའི་མཁས་པ་འཕྲོག་བྱེད་དགའ་བོ་སོགས་རྩོད་པས་བཏུལ་ནས་རལ་བ་བྲེགས། དགུང་ལོ་ཉེར་གསུམ་པར་ཁ་ཆེ་པཎ་ཆེན་ཤཱཀྱ་ཤྲཱི་བྷ་དྲ་ལས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་ལྔའི་སྐབས་ས་སྐྱའི་ཁྲིར་ཕེབས། དགུང་ལོ་རེ་གཉིས་པར་སོག་རྒྱལ་གོ་དན་གྱིས་གདན་ཞུས་ལྟར་ཚ་བོ་འགྲོ་མགོན་ཆོས་རྒྱལ་འཕགས་པ་དང་། འགྲོ་མགོན་ཕྱག་ན་རྡོ་རྗེ་འཁོར་བཅས་ལང་གྲུར་ཕེབས། ཁོང་ནི་ས་སྐྱ་གོང་མ་ལྔའི་ནང་གི་བཞི་པ་ཡིན། ༡༢༥༡ ལོར་ལང་གྲུའུ་སྤྲུལ་པའི་སྡེ་ཞེས་བྱ་བར་སྐུ་གཤེགས། ཁོང་གི་གསུང་རྩོམ་ལ། པོད་གསུམ་ཙམ་ཡོད། ཁོང་གི་རྣམ་ཐར་རྒྱས་པ། འགྲོ་མགོན་ཆོས་རྒྱལ་འཕགས་པས་མཛད་པའི་རྣམ་ཐར་དང་། མཁན་ཆེན་རིན་ཆེན་དཔལ་གྱིས་མཛད་པའི་རྣམ་ཐར། ས་སྐྱའི་གདུང་རབས་བཅས་སུ་གསལ་ལོ།།

མཛད་པ་པོ། དཀོན་མཆོག་བློ་གྲོས་རྒྱ་མཚོ།
བརྗོད་བྱ། བརྡ་སྤྲོད་རིག་པའི་སྐོར།
རིག་མཛོད་འཕྲུལ་དེབ་ཨང་། SJRB-0183
ཡིག་ཆའི་རྣམ་པ། PDF
ལྗིད་ཚད། 663KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ཟླ་དགུ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༦ ཚེས་ ༡༥ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དཔྱི་ས་ཞབས་དྲུང་ཆེན་མོ་དཀོན་མཆོག་བློ་གྲོས་རྒྱ་མཚོ་མཆོག་ནི། ཕྱི་ལོ་༡༨༩༠ ལོར་རྩེ་གཞུང་དཔྱི་སར་སྐུ་འཁྲུངས། དགུང་ལོ་ཆུང་ངུ་ནས་ཀློག་དང་འདོན་ཆ་ཆོས་སྤྱོད། གཟབ་བཤར་གྱི་བྲིས་དང་། སུམ་རྟགས་དག་གསུམ་སོགས་སྦྱངས། ལྡེ་ཚ་བཀྲ་ཤིས་ཆོས་སྡིངས་སུ་ཕེབས་ནས་གཞུང་ཆེན་ཁག་ལ་ཐུགས་གཉེར་གནང་། རྗེ་འཇིགས་མེད་དམ་ཆོས་རྒྱ་མཚོའི་ཞབས་དྲུང་གི་ཐུགས་འགན་བཞེས། ཕྱི་ལོ་༡༩༤༩ལོར་བཀའ་གདམས་དགེ་བྱེད་གླིང་དགོན་པ་ཕྱག་བཏབ། གསར་རྙིང་རིས་སུ་མ་ཆད་པའི་གདུལ་བྱ་མང་དུ་བསྐྱངས། ཕྱི་ལོ་༡༩༥༩ལོར་རྒྱའི་བཙོན་འོག་ཏུ་སྐུ་གཤེགས། གསུང་རྩོམ་ལ་ལམ་རིམ་སྙིང་པོ་བསྟན་འཛིན་བྱེ་བའི་འབྱུང་གནས་ཀྱི་ས་བཅད། རྣམ་འགྲེལ་ལེའུ་གཉིས་པའི་སྦྱོར་ཊིཀ །སྤྱོད་འཇུག་ཤེར་ལེའུའི་འབྲུ་འགྲེལ། བརྒལ་ལན་གསང་འཛིན་མཚོན་ཆའི་འཁོར་ལོ་སོགས་མང་།

རྩོམ་པ་པོ། དགེ་བཤེས་བློ་བཟང་ཟླ་བ།
བརྗོད་བྱ། གཞུང་འགྲེལ་དང་ངོ་སྤྲོད་སྣ་ཚོགས།
རིག་མཛོད་འཕྲུལ་དེབ་ཨང་། SJRB-0393
ཡིག་ཆའི་རྣམ་པ། PDF
ལྗིད་ཚད། 2.1MB
སྒྲིག་སྦྱོར་བ། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་ ༦ ཚེས་ ༡༩ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དགེ་བཤེས་བློ་བཟང་ཟླ་བ་མཆོག་ནི། ཕྱི་ལོ་ ༡༩༧༡ ལོར་བལ་ཡུལ་དུ་སྐྱེས་ཏེ་ཐོག་མར་མཆོད་རྟེན་བྱ་རུང་ཁ་ཤོར་གྱི་སློབ་ཆུང་དང་། ༡༩༧༧ ལོར་རྒྱ་གར་བྱང་ཕྱོགས་མ་སུ་རི་གཏན་འཇགས་སློབ་གྲྭར་བསྐྱོད། ༡༩༨༠ ལོར་རབ་ཏུ་བྱུང་ནས་འཕེལ་རྒྱས་གླིང་དགོན་དུ་ཆོས་སྤྱོད་དང་བོད་ཀྱི་རིག་གནས་སློབ་སྦྱོང་བྱེད་ཞོར་འཕགས་ཤིང་བོད་གཞུང་སློབ་གྲྭར་ཡང་བསྐྱོད། ༡༩༨༣ ནས་ ༡༩༩༧ བར་རྡ་རམ་ས་ལ་རིགས་ལམ་སློབ་གཉེར་ཁང་དུ་བོད་ཀྱི་རིག་གནས་བརྡ་དག་སྙན་སུམ་སོགས་དང་། དེང་རབས་ཀྱི་རིག་གནས་དབྱིན་ཇིའི་སྐད་ཡིག་སོགས་ལ་སློབ་སྦྱོང་བྱས། ཁྱད་པར་དུ་ནང་དོན་རིག་པའི་གཞུང་ཆེན་སྔོན་འགྲོ་བསྡུས་བློ་རྟགས་གྲུབ་བཞི་དང་། དངོས་གཞི་དབུ་ཕར་རྣམ་འགྲེལ་སོགས་ལ་རིགས་པའི་ལམ་ནས་སློབ་སྦྱོང་མཐར་ཕྱིན་བྱས་ཏེ་ཕར་ཕྱིན་རབ་འབྱམས་པ་དང་དབུ་མ་རབ་འབྱམས་པ་ལེགས་པར་ཐོན། ༡༩༩༨ ལོ་ནས་བཟུང་རིགས་སློབ་ཀྱི་ནང་རིག་གཞུང་ཆེན་སློབ་དཔོན་གྱི་མིང་གནས་ཐོག་བོད་ཀྱི་རིག་གནས་སུམ་རྟགས་སོགས་སློབ་ཁྲིད་དང་། བྱེ་བྲག་ནང་རིག་གཞུང་ཆེན་དང་ལམ་རིམ་སོགས་ཀྱི་དཔེ་ཁྲིད་དང་ཤེས་ཡོན་འགན་འཛིན་གྱི་ལས་ཁུར་བླངས། ༢༠༠༢ ལོར་མཛོད་འདུལ་ལ་སློབ་སྦྱོང་བྱས་ཏེ་དཔལ་ལྡན་འབྲས་སྤུངས་བློ་གསལ་གླིང་དུ་དགེ་བཤེས་ཚོགས་རམས་པའི་མཚན་གནས་ཕྱག་འཁྱེར་ཐོབ། ༧གོང་ས་༧སྐྱབས་མགོན་ཆེན་པོ་མཆོག་གིས་དབུས་བོད་ཀྱི་ཆོས་བརྒྱུད་ཆེན་པོ་བཞི་ཡི་བསྟན་འཛིན་གྱི་སྐྱེས་ཆེན་དུ་མ་ལས་གཞུང་ལམ་མན་ངག་དང་དབང་ལུང་ཁྲིད་སོགས་ཟབ་རྒྱས་ཀྱི་ཆོས་ཚུལ་མཐའ་ཡས་པ་གསན། རྡ་ས་རིགས་ལམ་སློབ་གཉེར་ཁང་དུ་སློབ་གཉེར་བྱེད་བཞིན་པའི་སྐབས་བོད་ཀྱི་རིག་གནས་དགེ་རྒན་གྱི་ལས་ཁུར་བླངས་པ་དང་།
༢༠༠༥ ནས་བཟུང་བླ་མ་སྤྱན་རས་གཟིགས་ཀྱིས་བཀའ་ཕེབས་བཞིན། ནང་ཆོས་ངོ་སྤྲོད་ཚོགས་པའི་ནང་ཆོས་སློབ་དཔོན་གྱི་འགན་འཁུར་ཞུས་ཏེ། ད་བར་སེར་སྐྱ་མི་མང་ལ་ནང་ཆོས་ངོ་སྤྲོད་བསྡུས་འབྲིང་རྒྱས་གསུམ་སློབ་ཁྲིད་ཞུས་དང་ཞུ་བཞིན་ཐོག་ནང་ཆོས་དོན་གཉེར་བའི་བོད་ཀྱི་སློབ་གྲྭ་ཁག་དང་། གཞིས་ཆགས། བཙུན་མའི་དགོན་སྡེ། ནང་པའི་ཚོགས་པ་དང་། ཕྱི་ནང་མི་རིགས་བཅས་ལ་ནང་ཆོས་ངོ་སྤྲོད་དང་ལམ་སྟོན་སོགས་ཀྱི་འགན་འཁུར་མཛད།
གཞན་ཡང་འཆད་རྩོད་རྩོམ་གསུམ་གྱི་སྒོ་ནས་རིས་མེད་བསྟན་འགྲོ་སྤྱི་དང་ཡང་སྒོས་བོད་ཀྱི་ནང་བསྟན་དང་། དབང་པོ་སྐྱོན་ཅན་གྱི་ཚོགས་སྒེར་སོགས་སྐྱབས་མེད་མགོན་མེད་ཀྱི་ཉམ་ཐག་རིགས་ལ་ཆོས་དང་ཟང་ཟིང་གིས་ཕན་ཐོགས་ཅི་ཐུབ་བསྒྲུབས་དང་སྒྲུབ་བཞིན་པ་བཅས་སོ།།

རྩོམ་པ་པོ། དགེ་བཤེས་བློ་བཟང་ཟླ་བ།
བརྗོད་བྱ། གཞུང་འགྲེལ་དང་ངོ་སྤྲོད་སྣ་ཚོགས།
རིག་མཛོད་འཕྲུལ་དེབ་ཨང་། SJRB-0392
ཡིག་ཆའི་རྣམ་པ། PDF
ལྗིད་ཚད། 2,6MB
སྒྲིག་སྦྱོར་བ། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་ ༦ ཚེས་ ༡༩ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དགེ་བཤེས་བློ་བཟང་ཟླ་བ་མཆོག་ནི། ཕྱི་ལོ་ ༡༩༧༡ ལོར་བལ་ཡུལ་དུ་སྐྱེས་ཏེ་ཐོག་མར་མཆོད་རྟེན་བྱ་རུང་ཁ་ཤོར་གྱི་སློབ་ཆུང་དང་། ༡༩༧༧ ལོར་རྒྱ་གར་བྱང་ཕྱོགས་མ་སུ་རི་གཏན་འཇགས་སློབ་གྲྭར་བསྐྱོད། ༡༩༨༠ ལོར་རབ་ཏུ་བྱུང་ནས་འཕེལ་རྒྱས་གླིང་དགོན་དུ་ཆོས་སྤྱོད་དང་བོད་ཀྱི་རིག་གནས་སློབ་སྦྱོང་བྱེད་ཞོར་འཕགས་ཤིང་བོད་གཞུང་སློབ་གྲྭར་ཡང་བསྐྱོད། ༡༩༨༣ ནས་ ༡༩༩༧ བར་རྡ་རམ་ས་ལ་རིགས་ལམ་སློབ་གཉེར་ཁང་དུ་བོད་ཀྱི་རིག་གནས་བརྡ་དག་སྙན་སུམ་སོགས་དང་། དེང་རབས་ཀྱི་རིག་གནས་དབྱིན་ཇིའི་སྐད་ཡིག་སོགས་ལ་སློབ་སྦྱོང་བྱས། ཁྱད་པར་དུ་ནང་དོན་རིག་པའི་གཞུང་ཆེན་སྔོན་འགྲོ་བསྡུས་བློ་རྟགས་གྲུབ་བཞི་དང་། དངོས་གཞི་དབུ་ཕར་རྣམ་འགྲེལ་སོགས་ལ་རིགས་པའི་ལམ་ནས་སློབ་སྦྱོང་མཐར་ཕྱིན་བྱས་ཏེ་ཕར་ཕྱིན་རབ་འབྱམས་པ་དང་དབུ་མ་རབ་འབྱམས་པ་ལེགས་པར་ཐོན། ༡༩༩༨ ལོ་ནས་བཟུང་རིགས་སློབ་ཀྱི་ནང་རིག་གཞུང་ཆེན་སློབ་དཔོན་གྱི་མིང་གནས་ཐོག་བོད་ཀྱི་རིག་གནས་སུམ་རྟགས་སོགས་སློབ་ཁྲིད་དང་། བྱེ་བྲག་ནང་རིག་གཞུང་ཆེན་དང་ལམ་རིམ་སོགས་ཀྱི་དཔེ་ཁྲིད་དང་ཤེས་ཡོན་འགན་འཛིན་གྱི་ལས་ཁུར་བླངས། ༢༠༠༢ ལོར་མཛོད་འདུལ་ལ་སློབ་སྦྱོང་བྱས་ཏེ་དཔལ་ལྡན་འབྲས་སྤུངས་བློ་གསལ་གླིང་དུ་དགེ་བཤེས་ཚོགས་རམས་པའི་མཚན་གནས་ཕྱག་འཁྱེར་ཐོབ། ༧གོང་ས་༧སྐྱབས་མགོན་ཆེན་པོ་མཆོག་གིས་དབུས་བོད་ཀྱི་ཆོས་བརྒྱུད་ཆེན་པོ་བཞི་ཡི་བསྟན་འཛིན་གྱི་སྐྱེས་ཆེན་དུ་མ་ལས་གཞུང་ལམ་མན་ངག་དང་དབང་ལུང་ཁྲིད་སོགས་ཟབ་རྒྱས་ཀྱི་ཆོས་ཚུལ་མཐའ་ཡས་པ་གསན། རྡ་ས་རིགས་ལམ་སློབ་གཉེར་ཁང་དུ་སློབ་གཉེར་བྱེད་བཞིན་པའི་སྐབས་བོད་ཀྱི་རིག་གནས་དགེ་རྒན་གྱི་ལས་ཁུར་བླངས་པ་དང་།
༢༠༠༥ ནས་བཟུང་བླ་མ་སྤྱན་རས་གཟིགས་ཀྱིས་བཀའ་ཕེབས་བཞིན། ནང་ཆོས་ངོ་སྤྲོད་ཚོགས་པའི་ནང་ཆོས་སློབ་དཔོན་གྱི་འགན་འཁུར་ཞུས་ཏེ། ད་བར་སེར་སྐྱ་མི་མང་ལ་ནང་ཆོས་ངོ་སྤྲོད་བསྡུས་འབྲིང་རྒྱས་གསུམ་སློབ་ཁྲིད་ཞུས་དང་ཞུ་བཞིན་ཐོག་ནང་ཆོས་དོན་གཉེར་བའི་བོད་ཀྱི་སློབ་གྲྭ་ཁག་དང་། གཞིས་ཆགས། བཙུན་མའི་དགོན་སྡེ། ནང་པའི་ཚོགས་པ་དང་། ཕྱི་ནང་མི་རིགས་བཅས་ལ་ནང་ཆོས་ངོ་སྤྲོད་དང་ལམ་སྟོན་སོགས་ཀྱི་འགན་འཁུར་མཛད།
གཞན་ཡང་འཆད་རྩོད་རྩོམ་གསུམ་གྱི་སྒོ་ནས་རིས་མེད་བསྟན་འགྲོ་སྤྱི་དང་ཡང་སྒོས་བོད་ཀྱི་ནང་བསྟན་དང་། དབང་པོ་སྐྱོན་ཅན་གྱི་ཚོགས་སྒེར་སོགས་སྐྱབས་མེད་མགོན་མེད་ཀྱི་ཉམ་ཐག་རིགས་ལ་ཆོས་དང་ཟང་ཟིང་གིས་ཕན་ཐོགས་ཅི་ཐུབ་བསྒྲུབས་དང་སྒྲུབ་བཞིན་པ་བཅས་སོ།།

མཛད་པ་པོ། ལོ་ཆེན་དྷརྨ་ཤྲཱི།
བརྗོད་བྱ། འབྱུང་བའི་སྐོར་འགོ་ལ་བརྟེན་ནས་ལེགས་ཉེས་འབྱེད་ཐབས།
རིག་མཛོད་འཕྲུལ་དེབ་ཨང་། SJRB-0264
ཡིག་ཆའི་རྣམ་པ། PDF
ལྗིད་ཚད། 647KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༦ ཚེས་ ༡༢ ལ་བསྐྱར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

ལོ་ཆེན་དྷརྨ་ཤྲཱི། གཡོར་པོ་གྲྭ་ནང་གི་དར་རྒྱས་ཆོས་གླིང་དུ་འཁྲུངས། དགུང་ལོ་བཅུ་གསུམ་པར་གཙུག་ཕུད་ཕུལ། དགུང་ལོ་བཅོ་ལྔའི་སྐབས་རྒྱལ་དབང་ལྔ་པ་ལས་རབ་ཏུ་བྱུང་། སློབ་དཔོན་དོན་གྲུབ་དབང་རྒྱལ་སོགས་ལས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་རྣམས་ལ་སྦྱངས་པ་དཔྱིས་ཕྱིན་པ་གནང་། སློབ་མ་གྲགས་ཆེ་བ། ས་སྐྱ་བདག་ཆེན་ངག་དབང་ཀུན་དགའ་བཀྲ་ཤིས་སོགས་མང་ངོ་། ༡༧༡༨ ལོར་ཇུན་གར་པས་སྐྱིད་ཆུའི་འགྲམ་དུ་བཀྲོངས། གསུང་རྩོམ་ལ། གསང་བདག་དགོངས་རྒྱན་སོགས་ཆོས་ཚན་བདུན་ཅུ་ལྷག་ཙམ་བཞུགས།