མཛད་པ་པོ། སྣར་ཐང་ལོ་ཙཱ་བ་དགེ་འདུན་དཔལ།
བརྗོད་བྱ། ལེགས་སྦྱར་གྱི་ཡི་གེ་ཀློག་ཐབས།
རིག་མཛོད་འཕྲུལ་དེབ་ཨང་། SJRB-0252
ཡིག་ཆའི་རྣམ་པ། PDF
ལྗིད་ཚད། 1.4MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ ལོའི་ཟླ་བརྒྱད་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། སྣར་ཐང་ལོ་ཙཱ་བ་དགེ་འདུན་དཔལ་ལམ་སྣར་ཐང་ལོ་ཙཱ་བ་སཾགྷཤྲཱི་ནི། དུས་རབས་བཅུ་བཞི་པའི་དུས་སྨད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་ཡིན། ཁོང་དགུང་ལོ་ཆུང་ངུའི་དུས་ནས་དཔལ་སྣར་ཐང་དགོན་པའི་ཆོས་སྒོར་ཞུགས་ཤིང་རབ་ཏུ་བྱུང་བ་དང་། དགེ་ཚུལ་དང་དགེ་སློང་གི་སྡོམ་པ་རྣམས་རིམ་གྱིས་བཞེས་ཏེ་མདོ་སྔགས་གཉིས་ཀའི་གཞུང་ལུགས་ལ་ཐོས་བསམ་ནན་ཏན་དུ་མཛད། དེ་ནས་འགོས་ལོ་གཞོན་ནུ་དཔལ་དང་འདུལ་ནག་པ་དཔལ་ལྡན་བཟང་པོ་སོགས་ལ་སྒྲ་དང་། སྙན་ངག་མངོན་བརྗོད། རྩིས་སོགས་ཀྱི་ཁྲིད་གནང་སྟེ་སློབ་བུ་མང་དུ་གསོ་སྐྱོང་མཛད། རབ་བྱུང་བདུན་པའི་ལྕགས་བྱི་ལོ་སྟེ་ཕྱི་ལོ་༡༤༢༠ལོར་བཤེས་གཉེན་བློ་གྲོས་དཔལ་འབར་གྱིས་ཡང་ཡང་བསྐུལ་ངོར་ཐང་པོ་ཆེའི་གཙུག་ལག་ཁང་དུ་སྔགས་བཀླག་ཐབས་བསྡུས་པའི་ཊཱིཀྐ་མཐོང་བ་དོན་གསལ་བརྩམས། ད་དུང་ཀ་ལཱ་པའི་མཚམས་སྦྱོར་ལྔ་པའི་ཊཱིཀྐ་གཞུང་དོན་གསལ་བ་དང་། སྙན་ངག་མེ་ལོང་གི་བཤད་པ་བཀླགས་པས་དོན་ཐམས་ཅད་འགྲུབ་པ། དོན་རྒྱན་གསལ་བའི་མེ་ལོང་མཁས་པ་དགའ་བྱེད་འོད་ཟེར་འབུམ་ཕྲག་བརྒྱ་པ་སོགས་བཞུགས། འདིའི་འཁྲུངས་འདས་ཀྱི་ལོ་ཚིགས་སོགས་གསལ་པོ་མ་ངེས་ཤིང་། རྣམ་ཐར་རྒྱས་པ་ཞིག་མཇལ་རྒྱུ་མ་བྱུང་པས་འདི་ཙམ་ཞིག་གངས་ཅན་མཁས་གྲུབ་རིམ་བྱོན་གྱི་མིང་མཛོད་ལས་བཏུས་ཏེ་བཀོད་པའོ། །

ཕྱོགས་སྒྲིག་མཁན། རིག་མཛོད་རྩོམ་སྒྲིག་པ།
རིག་མཛོད་འཕྲུལ་དེབ་ཨང་། SJRB-0341
ཡིག་ཆའི་རྣམ་པ། PDF
ལྗིད་ཚད། 1MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་ནི་ཐ་སྙད་གསར་པའི་ཚན་པར་དཀར་ཆག་གི་འབྲེལ་སྣེ་མཐུད་རྒྱུ་སོགས་ལ་འཕྲུལ་དེབ་ཅིག་མ་བྱུང་ཐབས་མེད་ཀྱིས། རྩོམ་སྒྲིག་པས་ཐ་སྙད་གསར་པ་གང་མང་ཞིག་ཕྱོགས་བསྒྲིགས་བྱས་ཏེ་རྩོམ་སྒྲིག་བྱས་པ་ཡིན་ན། སྐྱོན་དང་ནོར་འཁྲུལ་མི་ཉུང་བ་ཞིག་ཡོད་ངེས་ཤིང་། རྒྱུ་ཆ་འདི་ཉིད་གང་ལས་བྱུང་བའི་རྩོམ་སྒྲིག་པ་དང་། ཡིག་སྒྱུར་པ་སོགས་དང་། གཟིགས་མཁན་རྣམ་པར་སྙིང་ནས་བཟོད་གསོལ་ཞུས་པ་ཡིན་ལ། རྗེས་འཆར་ཐ་སྙད་གསར་པའི་སྐོར་གྱི་འཕྲུལ་དེབ་གང་མང་ཞིག་རྩོམ་སྒྲིག་བྱ་རྒྱུར་འབད་བརྩོན་བྱེད་ངེས་ཡིན།

མཛད་པ་པོ། དངུལ་ཆུ་བླ་མ་ཆོས་བཟང་།
བརྗོད་བྱ། དོན་གཅིག་མིང་གི་རྣམ་གྲངས་ཚོགས།
རིག་མཛོད་འཕྲུལ་དེབ་ཨང་། SJRB-0179
ཡིག་ཆའི་རྣམ་པ། PDF
ལྗིད་ཚད། 464KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་གཉིས་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དངུལ་ཆུ་བླ་མ་ཆོས་བཟང་ངམ། ཡོངས་གྲགས་སུ་དངུལ་ཆུ་དྷརྨ་བྷ་དྲ་ཞེས་འབོད། གཙང་ཕྱོགས་སུ་འཁྲུངས། དགུང་ལོ་བཅུ་གཅིག་སྐབས་ནས་ཡི་གེ་འབྲི་ཀློག་སོགས་སྦྱངས། དགུང་ལོ་བཅུ་བཞིའི་སྐབས་ཆོས་སྒོར་ཞུགས། བཀྲ་ཤིས་ལྷུན་པོ་སོགས་སུ་གཞུང་ཆེན་ཁག་གཙོ་བྱས་ཏེ་ཐུན་མོང་དང་ཐུན་མོང་མ་ཡིན་པའི་རིག་པའི་གནས་མཐའ་དག་ལེགས་པར་སྦྱངས། སློབ་མ་གྲགས་ཆེན་དབྱངས་ཅན་གྲུབ་པའི་རྡོ་རྗེ་དང་། མཁས་ཆེན་ངག་དབང་སྙན་གྲགས་སོགས་མང་ངོ་། ༡༨༥༡ ལོར་དངུལ་ཆུ་རི་ཁྲོད་དུ་སྐུ་གཤེགས། གསུང་རྩོམ་ལ། པོ་ཏི་དྲུག་བཞུགས།

མཛད་པ་པོ། འབྲུག་པ་སངས་རྒྱས་རྡོ་རྗེ།
བརྗོད་བྱ། སྙན་ངག་མེ་ལོང་གི་ལེའུ་གསུམ་གྱི་དཔེར་བརྗོད།
རིག་མཛོད་འཕྲུལ་དེབ་ཨང་། SJRB-0294
ཡིག་ཆའི་རྣམ་པ། PDF
དེབ་ཀྱི་ལྗིད་ཚད། 828KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འབྲུག་པ་སངས་རྒྱས་རྡོ་རྗེ་ནི། ལ་སྟོད་མང་དཀར་དུ། ཕྱི་ལོ་༡༥༦༩ ལོར་སྐུ་འཁྲུངས། ཆུང་དུས་སུ་ངོར་ལ་ཅུང་ཟད་བཞུགས། དགུང་ལོ་བཅུ་གཉིས་པར་རྒྱལ་བྱེད་སྔགས་གྲྭ་ལ་ཞུགས། མཁན་པོ་སྤྲུལ་སྐུ་པད་དཀར་དབང་པོ་ལ་གཙུག་ཕུད་ཕུལ། མཚན་སངས་རྒྱས་རྡོ་རྗེར་གསོལ། ཀུན་མཁྱེན་པདྨ་དཀར་པོ་ལས་དགེ་བསྙེན་དགེ་ཚུལ་གྱི་སྡོམ་པ་ཞུས་པ་དང་། ཐུན་མོང་དང་ཐུན་མོང་མ་ཡིན་པའི་རིག་པའི་གནས་གསན་སྦྱངས་གནང་། ཙ་རི་སོགས་སུ་ལོ་བཞི་ལྔའི་བར་སྒྲུབ་པ་མཛད། དགུང་ལོ་སོ་གསུམ་པ་ལ་མཉམ་མེད་ལྷ་རྩེ་ལས་བསྙེན་པར་རྫོགས། ལྷུན་རྩེ་བདུད་འདུལ་གྲྭ་ཚང་གི་སློབ་དཔོན་གནང་། སྟོད་འབྲུག་གི་བསྟན་པ་འཛིན་སྐྱོང་གི་ཐུགས་འགན་བཞེས། ཟུར་ཕུག་ཏུ་སྒོམ་ཆེན་ལྔ་བཅུ་སྐོར་འདག་སྦྱར་དཀྱུས་སུ་འཛུད་པའི་རྒྱུན་བཙུགས་པ་སོགས་སྒོ་དུ་མ་ནས་རྒྱལ་གྱི་ཤྲཱི་བའི་བསྟན་པའི་སྲོག་རྩ་མཐུད་དེ་དར་ཞིང་རྒྱས་པར་མཛད། སློབ་མ་ལ་དུས་ཞབས་པ་དཔལ་རྒྱས་དབང་པོ་སོགས་བྱུང་། ཕྱི་ལོ་ ༡༦༤༥ ལོར་སྐུ་གཤེགས། གསུང་རྩོམ་ལ་པོ་ཏི་བརྒྱད་བཞུགས།

མཛད་པ་པོ། ལོ་ཆེན་དྷརྨ་ཤྲཱི།
བརྗོད་བྱ། བསྟན་རྩིས་དང་བྱེད་གྲུབ་ཀྱི་ལྔ་བསྡུས་སོགས།
རིག་མཛོད་འཕྲུལ་དེབ་ཨང་། SJRB-0111
ཡིག་ཆའི་རྣམ་པ། PDF
ལྗིད་ཚད། 437KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ལོ་ཆེན་དྷརྨ་ཤྲཱི་མཆོག་ནི། གཡོར་པོ་གྲྭ་ནང་གི་དར་རྒྱས་ཆོས་གླིང་དུ་འཁྲུངས། དགུང་ལོ་བཅུ་གསུམ་པར་གཙུག་ཕུད་ཕུལ། དགུང་ལོ་བཅོ་ལྔའི་སྐབས་རྒྱལ་དབང་ལྔ་པ་ལས་རབ་ཏུ་བྱུང་། སློབ་དཔོན་དོན་གྲུབ་དབང་རྒྱལ་སོགས་ལས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་རྣམས་ལ་སྦྱངས་པ་དཔྱིས་ཕྱིན་པ་གནང་། སློབ་མ་གྲགས་ཆེ་བ། ས་སྐྱ་བདག་ཆེན་ངག་དབང་ཀུན་དགའ་བཀྲ་ཤིས་སོགས་མང་ངོ་། ༡༧༡༨ ལོར་ཇུན་གར་པས་སྐྱིད་ཆུའི་འགྲམ་དུ་བཀྲོངས། གསུང་རྩོམ་ལ། གསང་བདག་དགོངས་རྒྱན་སོགས་ཆོས་ཚན་བདུན་ཅུ་ལྷག་ཙམ་བཞུགས། ད་ལན་སྐར་རྩིས་ཀྱི་ཚན་པར་དཀར་ཆག་གི་འབྲེལ་སྣེ་མཐུད་རྒྱུ་སོགས་ཀྱི་ཆེད་དུ་འཕྲུལ་དེབ་འདི་གང་མགྱོགས་རྩོམ་སྒྲིག་བྱེད་དགོས་བྱུང་སོང་བས། རྩིས་གཞུང་འདི་ལས་བསྟན་རྩིས་ཀྱི་ཡན་མ་གཏོགས་རྩོམ་སྒྲིག་བྱེད་ཐུབ་མ་སོང་ན། གཟིགས་པ་པོ་རྣམས་ལ་བཟོད་གསོལ་དང་འབྲེལ། རྗེས་སུ་རྩིས་གཞུང་འདི་ཉིད་ཡོངས་རྫོགས་འཕྲུལ་དེབ་ཏུ་རྩོམ་སྒྲིག་བྱས་ཏེ་གཟིགས་པ་པོ་རྣམས་ལ་འབུལ་ཐུབ་པ་བྱེད་ངེས་ཡིན།